明报OL：MC张天赋揭红馆骚后曾对唱歌失去感觉 自评未有资格做导师
MC张天赋上个月在红馆完成3场演唱会，之后他小休兼去旅行充电，MC返港后前天开Ig直播，跟网民及赋二代（粉丝昵称）互动，MC足足开了1.5小时Ig直播，期间他弹结他和弹琴，自弹自唱多首经典歌曲，令网民听出耳油。
有网民问他最近有没有趣事分享？MC说：「冇呀，反而完咗红馆骚后，突然之间发现对唱歌失去感觉，要用时间喺心理上作出调整，冇乜特别，𠵱家叫好番啲，就系咁。」
有网民问他平时如何养声？他说：「平时就系唔保养把声，所以咪差啰，大家如果成日用到把声慨人，医生建议饮多啲水﹑唔好饮冻嘢﹑唔好食辣嘢，同埋Feel到喉咙有痰时，会咳咳两声，其实都系伤声带行为，大家要小心啲。」
接着有网民问他何时去英国开骚？MC说：「等我红啲先啦，要喺其他地方储够Fans，先可以去嗰个地方开。（可不可以不行可爱路线？）我不嬲都唔行可爱路线，我系行平民﹑贴地﹑率真路线，其实我系多方面路线发展。」
有网民问他会否考虑做导师？MC认真表示：「我觉得自己唱歌未必完全成熟，有啲地方我自己用错（方法）咗都唔知，我未有资格（做导师），惊教坏人哋，我唔学唱歌原因，好睇你系边一派，渠哋真系要拣啱门派，如果唔系慨话，可能个唱法唔系你啱慨唱法，反而仲衰。」
