星岛网：杜如风因为一件事遭好友离弃15年 刘浩龙：好似喺我人生裡面消失咗
“旅游达人”杜如风因为超级自恋兼自大，再加上经常炫富，试过自爆屋企有过千对鞋，物质主义形象深入民心，结果被网民封为“世界级港女”！日前杜如风现身好友郭伟亮（Eric Kwok）和师兄刘浩龙主持的J2节《铺铺 Poker》，竟然被好友大爆“衰嘢”，仲因为呢一样嘢，结果搞到：“喺呢15 年所有人都放弃咗佢”！
在节目上，Eric Kwok形容与杜如风的关係“熟到冇得再熟”，认识超过20年以上，，他笑称见看到今时今日的杜如风，总算老怀安慰：“又有事业心，又冇迟到，其实呢 15年嚟，我哋所有人都放弃咗佢，佢係一个冇责任感、淨係顾住玩、从来唔守时嘅人，约佢今日可能第二日先到，好离谱。不过你发梦都估唔到，佢而事业心重，有规律，仲好准时，我都好震惊。”刘浩龙亦不住说：“本来佢好似喺我人生裡面消失咗，但係今日重新喺呢度出现，玩得好开心。”
听到好友们的说话后，杜如风亦急不及待为自己“洗白”：“我冇迟到几年喇，係喺我开始冇乜嘢做嘅时候，觉得自己係咪应该做返好啲个人呢，我得道咗，而家我有早到㗎。”其后糖妹又问杜如风有否打算生小朋友，一旁的 Eric 抢答：“我谂做佢嘅小朋友都唔想出世。”本来杜如风和应：“都几大镬㗎！”不过师兄即说：“未必，可能係一个大变化，再醒啲，想当年 Yumiko (郑希怡) 最憎细路仔，要杀死晒所有细路仔，一见到佢哋就话要整喊佢，最憎，点知而家整咗个梁浸浸！”
多年来杜如风的感情生活亦有不少话题，多年来曾与黄又南、导演郭子健、余文乐等人传过绯闻，又自爆自己在年轻时很多人追求，曾有三位追求者揸名车到她的工作地点接她放工，又试过多次被人求婚，不过感情仍未有着落，单身了9年的她更说：“我都想有拖拍，又冇人追。我想讲做咗十几年旅游节目，拍摄期间从来都冇艳遇嘅，你话死唔死，係香港已经冇，但无论去到世界边一个地方，都係冇艳遇嘅，呢件事从来冇都好沮丧，不过算啦靠自己。”她更扬言目前择偶要求已经不高，眼耳口鼻齐就可以。
