星岛网：杨梓菁想挑战拍悲情文戏 马拉夺奖受启发唔局限做打女
杨梓菁（Wiyona）去年改名及签新公司重新出发，果然奏效，过了精彩又充实的一年，除成功做《千谎百计》电影女主角，还在马来西亚夺得“亚太最具潜质女演员奖 ”，令她有所启发，决定要努力转型，不再只局限做打女，豁出去挑战不同类型角色。
採访：杜杜 摄影：钱文坤 场地：No.2
Wiyona好满意过去一年成绩，除了工作接踵而来，还有机会首度在马来西亚《McM Global Awards》夺得“Asia Pacific Most Promising Actress”（亚太最具潜质女演员奖），不论对自己及屋企人都算有交代。
Wiyona领奖时刚巧在当地拍摄《千谎百计》，“拍紧戏突然收到通知有奖拎，最初仲以为係最佳服装奖嗰啲，哈哈！当时太专注拍戏都冇乜感觉，直到真係见到个奖，就记起阿妈讲过好想见到我攞奖，本身只想做好演员，但阿妈咁讲启发咗我要有目标，今次就当係热身奖，希望之后每个演艺工作都要做得更加好。”
完成小目标储自信心
Wiyona习惯每年年初都会订下多项目标，用来激励自己未来日子努力向前，“我会将目标写喺记事簿，而且唔会淨係写大嘅目标，人要有动力，一定要有啲细目标做到，你先可以储到自信心去做一件大嘅事，所以大细目标都会写落去。”
去年她顺利完成七、八成目标，包括：签新公司、做电影女主角及攞奖等，今年她最希望全力在电影方面发展，而且能够转型成功，“自己已经建立咗打女形象，想喺演戏方面多啲进步，希望演多啲唔同嘅文戏，无论悲情又好，爱情又好，畀大家睇到我除咗识打仲有喺其他方面落咗功夫，啱啱喺马拉拍咗《千谎百计》，成套都係文戏，仲要扮演唔同角色，对我嚟讲好大挑战。”
