明报OL：黄宗泽冇谂过结婚生仔 爆唔少女朋友畀阿妈赶走
黄宗泽（Bosco）近日接受商台《星光背后》访问，他除了剖白2018年约满TVB与多年候选视帝食白果无关外，亦透露2008年踩过界做歌手非自己意愿。他说︰“唔知点解做咗歌手，年轻时唔到我话事，乐小姐话帮我出歌，个个小生花旦都出，你叫我乜就做。拍剧根本冇时间，得3日时间要学识又跳又唱，试过中环拍1首MV，排舞师即场教，我即学即拍。”
谈到当年跟陈奕迅合唱《K歌之王》被网友嘲讽至今，Bosco说：“无端端直播时对住Eason唱喎，压力大到黐线，顶硬上，又未练过首歌。嗰次离荧幕好远，根本靠估，听唔到自己唱乜。我同Eason讲：‘帮帮忙带吓，真係唔熟。’Eason仲话：‘得！放心啦！’你哋睇唔到我手心湿晒、压力大到出晒汗！”
虽然被网络欺凌多年，Bosco没介怀︰“我唔係靠唱歌搵食，又无学过，有瑕疵正常。我从来唔觉得被欺凌，大家依家仲记得，几开心吖！之后仲有人搵我二次创作，录多一首《发梦之王》拍广告。佢哋事前问我介唔介意，点会介意，好玩添！真係唔需要唔开心，有件事今日仲畀人记得你。”
Bosco出名孝顺、人缘好兼投资有道，开食肆被讚是好老闆，却至今仍然单身。他被问到可羡慕林峯已有妻女时说︰“冇乜，我有好多朋友，又咁忙，过时过节都唔寂寞，有好多朋友喺屋企开派对。”
Bosco坦言从小到大也没有成家的概念︰“可能我单亲家庭成长，完全冇呢个画面或概念， 由细到大都冇谂过几多岁结婚或者要生几多个小朋友。阿妈都从来冇催我。要做我女朋友？过咗我阿妈嗰关先讲啦，佢不知赶走咗几多个﹗哎呀！我讲咗啲乜！”
谈及择偶条件，他说：“首先佢唔可介意我做呢行，因为必定会成为焦点畀人影；其次，我唔锺意太嗲或小鸟依人，我锺意识得照顾自己嘅女仔；仲有，我爱整齐，譬如我屋企洗手间嘅护肤品，我会摆到一丝不苟似display一样，好介意其他人乱搞我啲嘢，一畀人整乱，我就发忟憎。其实我返到屋企，是好锺意好少说话，睇吓边个唔好彩识到我。”
Bosco没计算自己单身了几多年，透露这些年有识过女朋友，只是大家不知道。他说︰“我依家唔敢主动，之前出过事，好怕识新朋友。之前有朋友带新朋友嚟食饭，我只係同枱食饭，礼貌上同对方倾吓偈，点知佢将我啲说话摆上网分享，就变成误会，做咗花边新闻，我之后怕咗，识新朋友时会好小心。不过，我喺识女仔上持开放态度，要认识吓先。”
