星岛网：继续宠爱‧二十年‧音乐会丨
唐唐压轴献声感谢哥迷从未遗忘 郭富城荣幸曾为张国荣伴舞
张国荣《继续宠爱．二十年．音乐会》昨晚于红馆举行，演唱会尾段，陈洁灵与张国荣隔空合唱《谁令你心痴》，古巨基则演唱《Dear Leslie》及《风继续吹》向张国荣致敬。演唱会最后郭富城惊喜现身，从舞台下升起又唱又跳《Monica》，重现经典舞步，更有逾20名舞蹈员伴舞，现场随即high爆，观众纷纷站起跟着一起跳兼报以尖叫声。
郭富城唱毕《Monica》后，指著天及向天送上飞吻，接着他说：“今晚係一个好特别嘅日子，20年，哥哥一直喺我哋嘅心入面，一直都喺度。我记得我入行第一个骚，係1986年嘅《星光熠熠耀保良》，我好有幸同佢表演，不过嗰阵做dancer，好荣幸好开心曾经为佢伴舞。我仲记得佢仲请我哋食饭，对dancers好好。其后我做咗歌手，一直都觉得佢先係真正嘅舞台王者，冇人代替到。佢成笑住对dacners讲：‘畀心机，畀心机！’我真係有畀心机㗎。虽然过咗咁多年，相信全球歌迷都好锡Leslie。”
接着郭富城演唱张国荣第一首金曲金奖歌曲《有谁共鸣》，唱到一半郭富城说：‘我好记得哥哥攞第一首金曲时，唱呢歌时话：‘我唱呢隻哥唱到眼湿湿，以后我唱呢首歌都要笑住唱。’”然后着观众一齐拍手，场面感人。
音乐会完结前，现场萤幕放出哥哥与挚爱唐鹤德的合照，唐唐录音献声悼念哥哥：“古人有一句说话係咁样讲：‘死而不亡者寿’，原来死亡并唔係一个终结。被遗忘嘅，先至係。好幸运，哥哥喺佢呢20几年嘅演艺生涯裡面，佢演过好多令人印象深刻嘅角色；唱过好多动人心弦嘅歌曲；亦都留底咗好多姣、靓、型、寸嘅舞台表演，呢啲都成为咗我哋嘅集体回忆。更幸运嘅係，哥哥有一班一直以嚟都咁爱佢、咁锡佢、咁挂住佢嘅好朋友、哥迷同影迷。我喺呢度代表哥哥衷心咁多谢大家。今日係一个特别嘅日子。
我哋就衬住今晚呢个机会，一齐回忆哥哥嘅过去、回忆佢嘅真、善、美，延续对哥哥嘅爱同思念。继续宠爱，张国荣。”
郭富城在接受访问时，直言跟哥哥有很多难忘回忆：“我啱啱出道，哥哥已经係天王巨星，对我嚟讲係一个好遥远嘅事，但Leslie对人毫无架子，好锡dancers，所以你见我而家都好锡Dancers，我觉得呢种就係传承精神。”郭富城透露因觉得《Monica》和《有谁共鸣》很有意义，所以自己特别拣选这两首歌来唱，希望用这两首歌去怀念对方。
而早前在美加举行巡迴演唱会时，郭富城亦有在当地宣传新戏《断网》及《风再起时》，以及参与当地电影展并且得奖。郭富城表示最初也担心赶不及回港，但幸而经安排后亦能顺利参与今次演出，他指现时最大问题就是时差，每天早上8、9点才能入睡，相信要过一、两星期才可以调整睡眠时间。
至于如何庆祝得奖？他说：“其实係一种鼓励，攞完就放低，继续做想做嘅工作，舞台係我最热爱，又可以唱歌又可以跳舞、同啲fans互动，好开心。”郭富城亦预告今年会专注演唱会及音乐上的工作，至于电影则随缘。
