隐形战队｜刘佩玥被“公主抱”不慎走光 急解释：着咗两条打底裤 | 香港01
刘佩玥（Moon)今天（2日）出席剧集《隐形战队》的宣传活动，其中一个环节，林子善需要以“公主抱”形式抱起Moon过对面，由于Moon短裤上阵，所以被抱起时，她亦小心翼翼捉住短裤，殊不知仍不小心“走光”，露出黑色打底裤。
事后接受《香港01》访问时，她透露已做足打底功夫，绝无“走光”一事：“本身要知道玩呢个游戏，我係着咗两条打底裤，加出面呢条裤仔，点解会见到黑色呢？咁就真係打底裤嚟嘅，我仲着咗两条添，係非常安全，但係玩呢啲有少少在所难免，喺我角度都唔算好走光，因为走光可能会见到啲皮肤，下次我会再黐晒啲胶纸。”
另外，高层乐易玲早前接受内地传媒访问，透露TVB有份力捧名单，共有14名男女艺人，而Moon亦在名单上，能够受到公司重点栽培，Moon坦言感到荣幸，但亦换来一定压力：“因为係乐小姐讲，我会觉得係佢口中讲，我觉得係一个肯定，同埋好开心囉，咁嚟紧我都会有一个非常大嘅推动力，推动自己要做得更加好，因为係公司对我嘅期望，所以唯有做得更加好，要进步得快啲，唔好辜负公司对我嘅期望（会唔会造成压力？）我係一个抗压能力好高嘅人，压力一定会有睇吓你点处理佢，咁我处理嘅方式係，我会做得好好囉，我係嗰啲越战越勇嘅人。”
