星岛网：刘颖镟最怕Fans留言讲佢身材 为《隐形战队》操到可以参加健身比赛
刘颖镟（Tiffany）在《隐形战队》演反恐特勤队“刑风”搏尽拍打戏，又着埋3点式大骚“最强Body”，因为表现唔锡身被激讚。讲到性感相出现在各大讨论区又被传媒疯狂报导，Tiffany唔介意继续做打女或性感演出，但就好怕睇Fans留言谈论其身材。
另外，事业搏杀期的她唔心急拍拖，未来男友最好似彭于晏咁高大。
採访：杜杜 摄影：朱伟彦 服装:Magazzin Group
贵为新一代女神的Tiffany都有男神，“彭于晏，我觉得佢靓仔！”不过对于男友外形，身高176cm的她强调唔一定要靓仔，但对高度有要求，“想平头囉！女仔都会想个男仔高啲有安全感，又唔使好fit，但係要健康囉！”
另外，她又认为性格较外形更重要，“对人尊重，对屋企人同朋友好，可以睇到一个男仔为人好唔好。”不过25岁的她未心急拍拖，“仲未照顾到自己，想做多啲成绩先。”
