《法言人》幕后功臣曝光 朱滙林标准无綫剧迷 等足16年圆梦演大律师
TVB剧《法言人》播了两星期，据刘家豪及陈志江透露，编审团队为呈现准确法律知识及审讯程序，到不同法庭旁听，想尽办法请教律师、师爷，甚至法官，期间最大功臣，是剧中饰演麦大状的朱滙林（William），他不但给编剧团队提供大量法律书籍，还帮剧组邀约到访清洪大律师的律师楼，在剧本上每个有关法律的字眼，都帮忙纠正。
陈志江说：“William真係好帮手，佢为咗解答我哋啲问题，睇咗好多同法律有关嘅书同新闻，因为佢话惊自己未必Update，所以要做好多功课，又帮手打咗好多电话去寻求专业意见。”
William当年在港大修读法律学院时，曾到清洪律师楼当暑期实习，为帮《法言人》编审团队，William提供协助，并碌尽人情卡：“我有帮手约律师，有啱啱毕业准备做大律师、又有做咗一段时间嘅，同埋约咗个做师爷嘅Uncle，等编审可以了解佢哋嘅工作。”
自小已成绩优异的William，小时候第一志愿并非做大律师，而是加入无綫拍剧，皆因他是百分百电视迷：“读Law之前我不嬲都想读艺训班，但咁啱嗰几年冇公开招募，咁咪同自己讲：‘继续读书啦’。当年好彩考到好成绩入到法律系，本身都谂住做律师，但好衰唔衰睇到《衝上云霄》，就想去考飞机师。我第一次考试係衰咗，但因为一年内唔可以再考，咁就我做住空少先然后再考，点知都係唔得。”
William在约25岁时等到良机，并透过一个比赛加入无綫，起初主要负责主持工作，等足3年才有机会圆梦拍剧。William说：“我想入TVB做演员，纯粹係因为锺意TVB嘅剧，纯粹係由细睇到大仲要停唔到，记得当年高考，我要睇完《十月初五的月光》同《男亲女爱》先可以瞓，呢个係我唯一减压方法。”
