明报OL：菊梓乔盼明年圆红馆梦 想跟Gigi合作 拍拖稳定先公开恋情
菊梓乔（Hana）将于5月再踏九展Star Hall举行演唱会，亦是她相隔4年再于九展开骚，举行《菊梓乔Hanafinity演唱会2023》，更选择“520”这个特别日子开骚，她解释：“只因为有期， 但准备时间赶急，动作要加快，係一个挑战，不过觉得好玩，4年前开完骚，原本计划好快开part2，可惜遇上疫情搁置，今次并非part 2，係全新班底，亦係下半年巡迴演唱会开始。”
至于可会挑战跳唱？她说：“要睇排舞老师觉得我可以跳乜嘢舞，但唔跳K-pop，可能挑战现代舞，艺术感多啲，之前开骚都试过跳舞，唔掂啦，唔跳嗰啲，真係吓亲街坊，就好似音乐都有好多种，要拣啱自己嗰隻。”
Hana已在九展第3次开骚，但仍未踏上红馆舞台举行个唱，Hana表示一直有申请，但未能成功，相信最快排到明年，她信心十足说：“红馆梦一定会实现，我算到2024年係好年，应该差唔多，仲要储多啲粉丝，太耐无见佢哋，要见多啲，做番多啲音乐工作。”
她感觉到有很多粉丝已离她而去，社交平台粉丝留言，明显少了一大截，她说：“觉得少咗，以前有几百个留言，𠵱家得番百几个，我唔开心囉，係咪唔爱我？唔想要我？所以‘520’开骚，唔好唔要我呀！”
有指公司将资源重点投放在炎明熹（Gigi）身上，令Hana“一姐”地位备受动摇，她说：“无谂呢啲，我都冇係过‘一姐’，係人哋讲，我只係位拎住员工证小职员，之前1年出10几首歌，𠵱家1年出几首歌，分别好似好大，但其实一个歌手1年出几首歌都好多，我从不在意力捧或唔力捧，锺意听的话，唔力捧都会听，所以冇介意过，如有机会我都想同Gigi合作。”
与绯闻男友吴卓羲的关係，Hana总是答得耐人寻味，是否和吴卓羲真的拍拖？她只说：“缘份嘅嘢好玄，係你就係你，唔係你就唔係你，世事嘅嘢，你知我知咪得囉！我只想开开心心快快乐乐，我从小拍拖都一向超级地低调，不过如拍拖去到一个好好状态，即係是好稳定，我觉得公开都冇所谓。”
