非常检控观｜演总督察被批唔够班 24岁吴伟豪：尽我能力去做
由马德钟﹑陈炜等人主演的 TVB新剧《非常检控观》（暂名）25日拍摄一场慈善拍卖会的戏份，参演该场戏的演员都悉心打扮，非常吸睛。其中吴伟豪接受访问时就透露自己将会饰演两个角色，非常有反差感，还表示可能有机会与爸爸吴大强一起拍剧。
打扮非常型格的吴伟豪在接受访问时提及自己饰演的角色，他就表示：“做两个角色警察同黑社会，我头段就会做黑社会做卧底，我个底係一个好有义气正义一个人，但係去到某一啲地方某一啲人某一啲事，都会不择手段去做一啲嘢达到自己目的。（有冇参考其他前辈呢种角色？）佢（监制）又冇话特别需要，最紧要捉紧自己个角色背景，同埋唔会话特别去模仿或参考。”
事实上在剧中吴伟豪的正义身分是一位总督察，不过问及到有网友批评24岁的他做总督察似乎少了经历不太恰当，对此他都表示曾担心过：“我自己都会担心，但係同一时间又担心唔到咁多，因为角色你都要做，尽我能力去做好个角色，我都唔想辜负咗监制对我嘅期望。”
另外，提到爸爸吴大强在综艺节目《中年好声音》失准输了比赛，问到爸爸有没有对此失落，他就表示：“其实有得参加呢个比赛佢已经係赢咗好开心，仲要入到六强已经係好大好大嘅成绩（有传节目係内定喎）我唔知喎 （你觉得冠军表现如何？）佢真係好有台型。”
而提到爸爸早前接受访问时，表示可以玩一玩尝试拍剧，问及二人有没有机会在剧集《爱回家》中合作，他就表示：“我係听过有啲咁嘅安排，但係我唔知道会唔会真係实行到，我就唔敢肯定咁讲一定会有，不过係有咁嘅安排。”还表明如果真的有机会同剧演出，会非常期待。
