AK爆公司有提过个人骚 Ian指自己“打开口牌”想搞兼非常期待
ViuTV昨日（27日）举行《ViuTV年中无休节目发布会》，组合MIRROR只有江𤒹生（AK）及陈卓贤（Ian）现身为剧集《冰上火花》作宣传。AK表示因为这剧集，才有机会接触冰上曲棍球，而主持人Thor说要问问队友Ian，之后问他Ian是否队友时，AK亦搞笑地回应：“你讲现实定剧入面先？现实都有啲距离㗎啦！”
Ian相当识做，答问题前先问导演及监制是否在场，之后才回答：“拍得好开心，一啲都唔辛苦，每日嘅通霄係好enjoy嘅。”引得在旁的AK疯狂地笑，之后亦被AK讚“求生意志强咗”。
AK及Ian在接受《香港01》访问时表示自己相当期待剧集的播出，AK表示为拍剧集在练习冰上曲棍球下了不少苦功：“因为真係唔识呢个运动，由零去到而家，同埋嗰时拍摄过程好赶急，因为太多有关比赛嘅嘢要拍，所以唔係好得閒睇返个play back，好多嘢拍咗都唔知个效果係点，所以好期待睇个成品。”而Ian亦表示同样期待播出，至于被问到知不知什麽时候播出，Ian就说：“暂时唔清楚，因为后制都应该需时，因为我哋都拍咗好多片段。”
AK表示Ian在拍摄《冰上火花》时比较辛苦，因为除了要拍剧外，亦有自己的工作要兼顾，更爆Ian该段时间连睡觉的时间都没有，自己则比较舒服，因为拍完《打天下2》才进剧组。至于被问到会否希望是“重头剧”时，Ian就觉得尽力做好自己演员的工作就可以：“一啲后制或者宣传嘅嘢就唔係我哋嘅能力范围以内。”Ian亦有提到自己的冰球技术可以“呃得下人”，AK亦表示自己的溜冰技术有进步，但未能去到“精”的地步。
至于被问到是否有份唱主题曲时，AK立即把咪交给Ian，Ian一头雾水地回应：“以我所知应该冇，我有借啲意走埋去问导演嘅‘呢套剧嘅主题曲係咩呢？’导演之后就话係呢种感觉啦！佢话佢脑部中有一个咁样嘅感觉嘅，但我完全收唔到半点暗示係关我事嘅。”
被问到最近流出的消息指MIRROR中有4位成员率先开个人骚，而今日再有消息指再加2名成员开个人骚时是否他们时，AK鬼马回应：“可能係队长㗎喎有机，你唔可以咁样抹杀最佳男主角嘅机会㗎喎。咁我觉得公司佢嘅公布一定有佢嘅安排同埋有佢嘅考虑，你问我哋两个知唔知道要开骚，我哋都未知嘅，咁我哋都仲准备紧下个月嘅拉阔，其他嘢都要再等公司公布再决定。”AK亦有透露公司的确有提过个人骚，但什麽时间实行就要等公司安排。
所以前日（26日）有个人骚消息流出而没有Ian后，粉丝都表示觉得难过，Ian还表示知道粉丝一直都十分著紧他，所以更会做好自己的作品，用作回报粉丝的爱。对于个人骚Ian表示十分期待，并说自己上次在音乐节时已经“打开口牌”说想办个人骚。
而被问到有“上弦”及“下弦”来区分MIRROR，AK就说自己没有上弦下弦之分：“我唔清楚上弦下弦嘅意思㗎啦，咁我淨係分到MIRROR有12个人。”而Ian就突然补一句：“陈卓贤就有一个！”AK亦补一句：“江𤒹生都有一个！”但原来Ian在说“烂gag”：“要食个弦（贤）啊！”这个笑话来得十分突然。
