星岛网：中年好声音丨肥妈爆周吉佩着条红底裤参赛
藉比赛宣扬爱国心：团结一致搞好香港
TVB节目《中年好声音》决赛于上周日（23日）完满落幕，周吉佩爆冷夺得冠军！不过为了增加刺激感，节目没有公佈所有回合的分数细节，赛果惹来网民质疑是造马，其后在《东张西望》中公佈决赛当晚所有回合的分数细节，包括评审在每个回合给予的分数，及两个回合的观众投票得分，当中所有分数均由黄龙德会计师事务所监察核实，赛果保证公平公开，但依然即使公布评分细节，但仍有不少网民质疑“造马”。
身为《中年》评判之一的肥妈，日前亦有在自己的YouTube Channel力撑比赛是公平公正，对于有人指快歌环节的分数未有公开，她说：“儍啦，现场几百人喺度点会唔公平呀？”
肥妈还说：“我最开心临走有个女人係咁喊係咁喊，话好透明好透明。因为电视机出嘅声同现场真係争啲，佢係有tone，嗰日喺现场係完全冇tone，如果唔係公平畀人打啦！”
对于最初有指是三强入决赛，但临场变两强对决，肥妈解释：“冇时间喇，因为节目太长，佢哋唔明白直播节目，后面有新闻报道，时间係政府规定呀，所以我觉得英国豪（罗启豪）唔抵囉，本来如果佢三强入去呢，佢有机会（赢出）呀，佢准备咗首歌好好听呀！所以做人除咗公平之外，运气都好紧要！其实不嬲都係三个，但现在真係唔够时间，Live囉。”
另一方面，有网民质疑冠军周吉佩的政治立场，爱国的肥妈实在不应该支持他，但肥妈说：“第一我唔知佢係黄嘅！第二我唔理你黄定蓝，因为我係做紧《中年好声音》嘅评判，我当时嘅job就係评呢个人唱功同佢嘅进步。而家仲边有分黄同蓝呀？而家全部都係红色啦，国安法出咗，边个唔係红色啫？如果佢仲係当自己黄嘅都走咗啦吓嘛！”
赛前大热李佳今次大热倒灶，只能屈居亚军，落败，肥妈指她唱第一首歌已失准：“佳佳自己都知，佢唱完第一隻歌都喊。”不少人觉得周吉佩之所以胜出，全因外形高大又年轻，肥姐瞪大眼望镜头说：“儍啦！冇人估过佢赢呀！你知唔知我哋输几多呀？我输咗几餐饭呀，爆冷呀，我係买佳佳、龙婷同英国豪，我输晒。”
她还笑称个个都输，全世界跌晒眼镜：“李佳和龙婷由头带到落尾，可能佢哋有压力，佳佳唱完第一首已经有眼泪，反而吉吉一早预输。”肥妈更大爆吉吉的一个鲜为人知的秘密：“佢老婆叫佢着条红底衭，邪啲，嗰日唱完叫佢畀我睇，佢真係着咗，呢啲唔係道人迷信，有阵时啲嘢，你越冇压力，就越轻鬆”
肥妈强调如果有造马，现场观众都会起哄：“呢啲完全冇呃，我好开心到《中年》嘅评判，唔理参赛者係乜嘢人，无论係30几岁又者71岁，可以畀到佢哋有一个机会再有希望，呢个係正能量；仲有啲嘢你哋係唔知，佢哋啲屋企人同朋友嘅团结，我谂佢哋一世都未试过咁团结，呢啲係社会最需要嘅事。”
肥妈更说：“而家仲分乜鬼呀，个香港係我哋，大家同心合力重头开始喇，团结一致搞好香港，应该走嘅都走晒，自己仲唔搞好个家？仲喺度猛咁分颜色分嘢？而家分家产呀？”肥妈再说：“赌仔回头都金不换，做人，有啲做错咗嘅而家都坐紧监，佢都受咗应有嘅惩罚，做人唔可以畀人改过自身，唔好将小事化大，最紧要係团结。”
