香港01：袁伟豪开工作室做老板
6月开剧破雪藏传闻：有两套剧mark咗我期
袁伟豪（Ben）与张宝儿（Bowie）今日（3日）出席无线（TVB）全新节目《同屋企人去旅行》记者会，两人在2017年合作拍摄《打工捱世界II》一trip定情，今次首度以夫妻档拍旅游节目，二人都寓工作于娱乐，玩得非常开心：“多咗好多化学作用，更加支持大家喺工作上点样做得好啲，譬如Bowie埋位嘅时候我会睇下有咩帮下手呀，提一提佢，唔需要避忌咁去做。我觉得好开心，真係当拍拖咁去旅游做嘢，去到边都拖住佢周围行㗎。”
Ben同Bowie今次去了汕头、汕尾、潮州等地，当地不少粉丝都有偶遇他们，而他们都大方同Fans合照，非常亲民，Ben笑言大家都叫自己做“天堂哥”：“甚至乎好多人都唔知我本身叫咩名，淨係记得我个角色名，咁我觉得都係开心事嚟嘅。”他又大讚Fans十分热情，令他们倍感亲切。
早前邵氏兄弟公布年报，当中Ben未有在9大“焦点艺人”当中，但原来他已成立工作室：“本身我仲係TVB artist嚟嘅，基本上喺TVB都主力演戏嘅，等公司安排啦。咁工作室方面慢慢会尝试更多方向嘅，譬如我而家做紧音乐，喺MV度我都会涉猎多啲，尝试写下剧本呀，睇下有冇新嘅火花变到出嚟，成立咗工作室之后就要用另一个身分去处理每一件事。”
Ben自去年年初拍完《法证先锋V》后未有剧在手，不过他就透露即将投入新剧拍摄：“应该6月份会入剧组埋位，咁而家都仲等紧公司安排，基本上下半年都以拍剧为主，到时出应该都係出年年头，有两套剧都mark咗我期嘅，如果有空档时间我都会做自己音乐嘅，大家耐心等候啦，好快有我嘅作品出现㗎喇。”
