明报OL：周吉佩21岁入行 经历3起3跌 看淡成败不问将来
TVB《中年好声音》总冠军周吉佩，近日接受TVB娱乐新闻台主持许文轩《Star Talk》专访，分享得奖感受，又畅谈展望、加入演艺圈后的高低起跌、走出情绪低谷的经过。
他按许文轩要求细数《中年好声音》三位值得学习对象，包括吴大强、龙婷及支喾仪（Venus）。谈到年届71岁的吴大强，周吉佩最佩服他精力旺盛︰“佢好有风采好潇洒，有时我哋綵排到凌晨1、2点，我行埋去问佢攰唔攰，佢次次都话：‘攰咩？’佢係真犀利，有时我哋喺度休息，佢就去咗电视城四围行。嗰次肥妈演唱会，佢又係四围行。”
周吉佩最欣赏龙婷有自信、有想法及了解自己；支喾仪思想正向。他说︰“Venus面对唔好嘅评语都可以好从容，佢畀人话对眼生得好埋，仲特登影张相摆出嚟笑番自己，我好佩服佢EQ。佢成日话：‘我哋做生意经历唔少风浪，呢啲冇乜嘢’。”
谈及认识10多年，一起成长的好友曹敏宝，周吉佩说他们从开始到现在都是打打闹闹地相处，他说当年结婚时，曹敏宝比其太太哭得还多。
周吉佩21岁时参加电视台举行的歌唱比赛而入行，惜当年未做好当艺人的心理准备，出了一张唱片后便和公司结束合作关係，他形容当时是人生第一次梦醒。周吉佩后来跟夹开的音乐发烧友组成乐队sp’ACE，并于2015年签约唱片公司。sp’ACE曾于2019年举行演唱会，惟乐队成员最终因意见不合解散。
周吉佩再度陷入低潮，身心也出了问题。他说︰“有日我企喺窗边，望望吓觉得自己人生咩都失败，做乜都唔顺。我问自己仲坚持嚟做乜，嗰吓有少少想就咁算。又有一日我临瞓前突然觉得好似有个人用手压住我个心咁，唔係好唞到气。”幸好，周吉佩及时意识到问题，靠家人支持及陪伴走出阴霾。
周吉佩表示胜出《中年好声音》后备受爆冷传闻困扰，是其人生中的第3个低潮。他虽曾因而影响自信甚至失眠，但没有被击倒，立定决心先把现在做好。他说︰“以前初出道好天真，觉得25岁要有自己嘅演唱会。当年我得21岁，又谂住几时要买到楼。依家我冇谂咁远，都唔会谂仲有冇人锺意自己，而係先做好表演，脚踏实地先。”
周吉佩强调粉丝是鞭策他做得更好的最大动力，感谢粉丝沿路上的踊跃支持。他还点名感谢黎瑞恩：“佢成日教我哋好多嘢，教我哋做人要谦虚同埋要准时。佢又畀机会sp’ACE喺红馆唱咗一首 我哋自己嘅歌，我谂我人生再冇可能有呢啲机会。”
谈到太太黄彦欣，周吉佩说她在比赛初期不但没有亲临录影厂支持，甚至见他出门参赛也没反应，直至见他在节目中得到“复活”机会才由冷淡转为支持，更帮忙挑战出赛歌。被问到太太是否明明支持却扮作不支持，周吉佩断言︰“你唔使帮佢讲好说话喇，佢係直到觉得原来仲有人欣赏我，态度先180度转变。”
