香港01：张頴康《逆天奇案2》再做反派
抗拒睇剧本：唔开心嘅感觉返返嚟
TVB剧集《法言人》自播出以来反应热烈，一众主演齐齐出席宣传活动。剧中张頴康（饰大雄）与蒋祖曼（Joman）（饰翁官）这对“红绿灯之恋”深受观众喜爱，虽然今次是两人首度饰演情侣，但默契十足：“其实我哋合作过三次嘅，但如果咁多对手戏就真係第一次，同Joman合作好舒服嘅。”而Joman就笑言阿康变化不大，依然好“烂玩”，两人无论剧里剧外都火花十足：“我觉得感觉都几好，本身个角色好讨好，好幸运呢个係冇乜缺点嘅角色，观众会锺意。”
阿康同Joman即将投入拍摄《逆天奇案2》，在上一辑中饰演反派魏子乐的阿康，今次会继续演同一个角色：“第一辑嗰阵时好辛苦呀，剧情係又死咗老婆呀，经历咗一段时间係收工嘅时候好辛苦呀。一个礼拜前听故仔，听完之后，我揸车返屋企嘅时候，嗰种好唔开心、好辛苦嘅感觉又返返嚟，所以我到而家都唔係好想睇剧本，因为我觉得一睇呢，嗰啲感觉又返返嚟。”
他又指演绎这个角色难度高：“有好多嘢要衝破，我想用最短嘅时间研究到点样演，尽量用短嘅时间演完佢啦，因为我唔想拖咁长时间，因为我成日觉得对身体有啲害。”
阿康（饰魏子乐）与刘佩玥（Moon）（饰尤丽）在《逆天奇案》中虽然是反派，但两人之间的爱情故事让观众动容，可惜尤丽在逃离警察追捕时撞车致死，不少观众都好奇阿Moon在新一辑中将如何登场，而阿康就大卖关子：“嗰个就留返畀剧组嗰边讲喇，但会用一个几特别嘅方法出返嚟。”
