明报OL：卢觅雪不满泥鯭批评姜涛遭粉丝围攻︰人多就声大 声大就够恶？
姜涛日前（8日）在《CHILL CLUB颁奖礼》上向台下11位MIRROR队友发表“兄弟宣言”，遭RubberBand鼓手泥鯭（黎万宏）在社交网连还发文暗讽姜涛、ViuTV和镜粉，连累女友黄心颖被拖落水遭网民重提“安心事件”，引发双方粉丝骂战。
RubberBand昨晚就事件发道歉声明，称“对于队友近日失言而引起的风波，我们感到非常抱歉。经过队友间反覆讨论，在仍然坚信社会应要存在自由的言论空间的同时，我们亦深明表达手法、尊重不同声音的重要性。对于是次事件引起之扰攘争持，还有浪费了公共媒体资源，我们希望藉此向各受牵连单位及人士致歉”。
卢觅雪今早（11日）在其商台节目《在晴朗的一天出发》中说︰“我见到另一团人去道歉，做乜嘢呀，个世界係咪一定要咁样㗎？点解呀？批评唔可以接受嘅﹗我最锺意批评人，日日都有批评人，咁即係点呀，日日都要道歉呀？要话以下不代表商台立场，係咪啊？黐线﹗我睇到火都嚟﹗我学嗰啲人囉，我学啲恶形恶相、网上欺凌嗰啲呀。其实我唔係佢哋歌迷，不过我都睇唔过眼，真係要出声囉﹗都係咁样认为囉，係咪呀，批评一个人，每个人都有佢嘅言论自由﹗”
有主持认为现在的道歉跟从前的道歉，在格调上已改变，卢觅雪回答︰“有啲道歉係‘我怕咗你囉，我同你道歉囉’，即係息事宁人，费事烦落去，有手尾跟。”她强调自己只是一位旁观者，事件与她无关，但她看不过眼。
卢觅雪说︰“其实有啲嘢与我无关，一个人批评一个人，我纯粹係侧边见到佢批评佢，但係因为你批评一个人而遭受到一村人、一群人围攻。‘你做乜批评佢呀？’咁我觉得呢个现象不可取﹗人多就声大，声大就够恶，係咪呀？个时代变迁咗，我明白，但係我哋呢啲老派人，睇嘢有自己嘅一套标准。我年纪大，我愈见到呢啲嘢愈刺眼，愈唔舒服，觉得点解要咁样呢？我真係唔化㗎，化咗我可以肯定唔会再坐喺度﹗”
节目出街后，大批网民到《晴朗》fbook留言，表示泥鯭不是批评，而是夹杂住粗口的人身攻击，认为“可以批评但不要用粗口人身攻击”、“粗口唔係一个幽默感”等。
