陈奕迅睽违6年 再在大马开骚 热到大解放 High爆除衫
陈奕迅（Eason）前晚（12日）在大马容纳近万人的武吉加里尔亚通体育馆（Axiata Arena Bukit Jalil）展开3场世界巡迴演唱会 ，门票于开卖时一早秒杀，据知最后门票更被炒高30倍，大马观众热情，热到Eason忍不住台上大解放，当众表演除衫，疯狂叫声震撼场馆。
相隔6年再到大马开骚，当地歌迷睽违已久，整晚都跟Eason大合唱，唱到《幸福摩天轮》时，观众歌声大到戴住耳机的Eason也呆了，除下耳机听观众歌声。
Eason在台上说：“计计下，我原来已经6年冇嚟大马！”随即搞笑自打屁股多下，他说：“我第一次喺马来西亚开骚，应该係National Stadium，嗰度係咪坐多啲人？下次我去个度开啦，做咩今次开3场，一场夹埋差唔多人，好多谢大家，我知道你哋抢飞抢得好辛苦，真係好多谢你哋嚟支持我。大马真係好热！原本已经跳到好热，但你哋嘅热情令到我更加热！”
全场歌迷高举应援横幅“特别鸣谢你制造 更欢乐的我”，令Eason非常开心，有歌迷大叫：“‘我老公锺意咗你好耐﹗” Eason笑说：“多谢你老公。”接着再反问：“老公你係咪锺意你老婆前已经锺意我？我劲过你（指老婆），虽然你嫁咗畀佢，但係佢锺意我先！”
Eason又指，见到现场工作人员似乎不想歌迷在演唱会期间站立，又鬼马做动作教大家：“一阵你哋慢动作起身，一齐嘅话佢哋就唔觉㗎喇，Let’s郁！”歌迷马上欢呼全部企起身，跟他高歌跳舞。
大马是较保守国家，再热也不能在台上除衫，来到Encore位，Eason换了T-Shirt，仍不停呼叫: “真係好热”，歌迷狂叫他除衫，意想不到他说：“你畀我唱埋隻歌先啦﹗”然后即脱上衣，不过他早有备而来，下面仍有一件白色底衫打底，Eason说：“除完著番。”歌迷又叫：“除咗佢，送畀我！”Eason笑说再脱下上衣：“哎吔好老土，你哋一阵抛番上来我咪好瘀？”随即把脱掉的上衣，抛向观众席，最后由坐第一排的粉丝抢到，他即笑道：“好啱晒Size。”
