星岛网：求婚扮肚痛用钱买仪式感
吴业坤日本老婆来港见厕所因一个原因即爆喊
今年33岁的吴业坤去年迎娶比他细4岁的日本女星滨口爱子，老婆婚后为爱移居香港，更积极学习广东话融入香港生活，吴业坤亦相当疼爱老婆，不时带滨口爱子四出食好西。吴业坤最近接受“虾头”杨诗敏与连诗雅网台节目《丝打围炉》访问，大谈与爱妻滨口爱子的相处，自揭求婚过程外，还提到太太当初来港首次在浴室冲凉后，竟然爆喊。
虾头在节目大讚吴业坤结婚后，变得较为成熟、有担当，然而吴业坤却自爆说是因为太太滨口爱子睇得明中文访问：“我太太唔知点解睇得明广东话访问，佢会问我：‘点解你嗰日咁讲嘅？’我话：‘平时同你讲广东话都讲唔明，点解你会知我讲乜嘅？’”原来吴业坤与老婆平常用日文沟通：“废事讲几次佢先听得明。”
吴业坤透露在2018年已经开始学日文，当时去日本认识到一些艺能界的公司，又有翻唱日文歌，原本想看有无机会去日本发展，最后却发展了一段恋情，还笑说自己“发展错咗方向”。
移居香港前未曾来港
吴业坤表示老婆滨口爱子在搬来香港时，其实并未来过香港：“第一次就畀咗我！其实佢都几有勇气，谂返起其实都几感动。佢当时喺日本慢慢发展佢嘅事业，佢会做主播、综艺节目，后来佢搵到佢嘅兴趣，做赛马主播，佢喺日本已经认识好多人脉，不过都决定跟我过嚟。头先你（虾头）话我变咗，佢都为咗我咁大牺牲，我都多咗份责任，都要改变一下。”
因为疫情关係，吴业坤当时曾与滨口爱子有长达半年未有见面，能够从远距离恋爱开花结果的他分享维繫感情的秘诀，“一定要搵啲共同嘅时刻”。有不少冧女招数的吴业坤指，两人会同时看netflix，过时过节还会一同facetime碰杯、切蛋糕，保留仪式感；还试过网购礼物送滨口爱子，在送货时facetime，给对方一个大惊喜。不过亦因为疫情，令吴业坤更懂珍惜，所以想尽快娶对方过门：“咁啱上年比较私人时间，所以冇咗自己人生大事先，安定咗，等世界运行返再衝刺。”
求婚狂饮红酒扮肚痛
虽然吴业坤求婚普通，但亦充满仪式感：“嗰阵我喺日本搵求婚餐厅，原来有好多plan俾你拣。我问佢嗰日使唔使返工，不如着靓啲，佢之后同我讲返佢估到（求婚）。”吴业坤借肠胃较差的理由，不断饮红酒食乳酪扮肚痛，趁机换衫向滨口爱子求婚：“之后侍应民佢上2楼，佢都知道有啲嘢喇！”
虽然吴业坤未有准备鲜花，但都有单膝跪地送戒指求婚，太太更感动到落泪，还有拍片留念，连诗雅好奇：“点解你仲拍到？”吴业坤直说：“畀钱囉！钱解决到嘅嘢，你知我几有钱㗎啦！简简单单，有个仪式感。”
吴业坤又透露最近带太太睇中医，发现对方因不习惯香港生活而出现内在压力、水土不服，更大爆老婆来港见到浴室竟然爆喊：“太家都知日本厕所係乾湿分离，浴室係浴室、厕所係厕所，香港厕所就偏细、冇浴缸，企缸行出嚟又成地湿晒，啲衫又堆埋一边，洗手盘又有好多嘢，佢觉得：‘点解呢度可以咁乱？’佢第一次喊咗出嚟，佢同我讲佢好唔惯。”吴业坤笑说现在冲完凉会抹脚，平常乱丢的衣服太太会帮他执拾，不过就被太太闹。
