明报OL：新闻女王｜佘诗曼否认气场劲吓坏后辈 讚王敏奕做足功课
佘诗曼（阿佘）、马国明、李施嬅、何依婷、王敏奕等，今日在邵氏影城拍摄无綫新剧《新闻女王》。相隔多年重返娘家拍剧，阿佘对剧本和导演拍摄手法充满信心，指各人也用心演好角色，相信完成品会令人满意。
谈到休息时间可足够，她说：“一时时，如场戏好紧要都会长时间捱吓。监制锺澍佳会尽量惜住演员，对女仔会好啲，因为话拍出嚟女仔唔靓冇着数。马国明可能惨少少，唔紧要，佢天生丽质。（你气场劲，有冇吓怕新晋演员？）边有呀！开头可能大家唔太熟络，依家再问佢哋应该冇。”
阿佘在剧中饰演新闻主播，她指角色有很多专业对白，而且要讲得顺畅，演出时很有难度。她说︰“有时都几难讲，唔使埋位时就靠背默抄低帮助记对白，所以拍摄场地周围都係我写过嘅纸。为演好角色，我仲走咗去新闻部借录影厂练习咗好多日。如果唔练习，我都冇信心，好难演。（有兴趣成为新闻主播？）我都有兴趣客串报天气。”
阿佘表示已没欠无綫剧债，如再遇上好剧本，会再回巢拍剧。谈到一班同剧后辈，她直言很喜欢王敏奕︰“佢第一日埋位已准备得好好。第一日同佢开工，佢已投入角色，演出感动到我。佢唔止同我有化学作用，仲好强，所以我好锺意佢。”
至于有哪位演员有待进步，阿佘笑道：“我自己啦，没有最好，只有更好嘛！”
被点名称讚的王敏奕说：“我都好多谢佢，当初收到剧本，我做好多功课，因为知道可以同阿佘对戏，我都好紧张，战战兢兢咁去做，咩都唔理，做好自己先。第一日拍时，我超级紧张，阿佘拍完都有同我倾，好感动。”
她觉得阿佘气场劲，人又正又靓，每次望住对方双眼就被迷魂到不会演戏，王敏奕说：“阿佘係个非常慷慨嘅前辈，不论喺演戏或生活上，都好欢迎大家去问佢，唔会令人有种接触不到嘅感觉。”
