效力TVB10年 谭伟权宣布约满离巢︰江湖再见
效力TVB10年的谭伟权（Gary）宣布约满离巢，他在社交平台上载TVB职员证及储物柜锁匙的照片，留言︰“係呀，我约满离开咗公司喇！希望大家继续支持我啦！想搵我做舞台剧、音乐剧、拍摄剧集、任何类型节目、商演、广告、电影、主持、任何类型表演，欢迎随时联络本人倾谈合作机会。”
他特别多谢监制王心慰（Amy）︰“我真係好多谢你一直以来由我返回公司拍第一套剧《枭雄》到最近拍摄我离开公司前最后一套剧《异空感应》，你一直都畀机会我，你每次开新剧都会预一个有发挥空间嘅角色畀我，万分感激！你仲话你由以前睇我做音乐剧，到之后见到我去咗有线电视做《拉近文化》嘅主持，你心就有啲戚戚然话点解咁㗎？跟住我返回来公司时你就一直畀机会我，多谢你感激你Amy姐。同你倾完偈分享咗我呢大半年做嘅嘢，你都替我好开心叫我继续努力加油，将来开新剧有啱嘅角色会再搵我回来拍摄，迟啲有时间仲会嚟睇我嘅音乐剧，多谢你呀！”
他表示早前返公司交回职员证等“公司四宝”，同时跟有缘遇上的同事道别。谭伟权说︰“我要衷心多谢喺公司用过我嘅每一位监制、导演同PA们，多谢‘梳化服’各部门嘅同事对我嘅照顾，仲要多谢外景同厂景各位幕后手足同事嘅关照。祝大家身体健康，江湖再见！”
