神耆小子｜黄子桐首拍影帝郑则士演花痴被吓窒：佢气场好劲
港姐黄子桐（Rachel）（2/6）现身将军澳电视城出席TVB新剧《神耆小子》开镜拜神仪式。Rachel透露在剧中饰演一名花痴公关经理“姚金花”，每次见到小鲜肉都会春心荡漾：“其实我以前冇演过花痴呢啲角色，而我身边啲同事知道之后笑我都係做番自己冇难道，虽然平时我同其他同事都好玩得埋，但其实我内裡好怕丑。（你过份热情会否令男同事误会？）其实都会有嘅，但我好清楚自己嘅界线，我绝对唔会同娱内人有情感上嘅接触，係唔会发展恋情嘅。”
对于能够与影帝郑则士（Kent哥）首次合作拍剧，Rachel大感兴奋：“过往见到Kent哥，我都係透过电视见到佢，而今次合作我第一次见到佢，感觉到佢气场好劲，谂住佢会严肃，点知埋身请教佢嘅时候，佢係好友善仲会笑住口反安慰我，叫我唔使咁惊张，只要做好功课记熟剧本，到时埋位嘅时候自然唔好慌。Kent哥佢好谦虚，佢仲话要同我哋嘅后生学习咁话。”
