星岛网：一舞倾城丨李婉华突发开Live直斥王晶对人不对事：做人要对得住自己
日前李婉华、杜挺豪、林子博日前在直播网台节目《豪华博客》讨论王晶监制的TVB剧集《一舞倾城》剧情教坏细路，不断强调“卖处”，其后王晶在微博留言反击李婉华：“我一向很少为自己作品的被评论辩解，但这两天看到竟找了一个过气四线，一个走路（佬）黄丝十八线来批评，我激到笑！”
今日李婉华等人突发开直播，直斥王晶对人不对事：“我对佢今次嘅反应好失望，好失望，真係非常之失望，痛心疾首，完全好难接受。”
目前身在香港的李婉华，表示当时在鸭寮街行街时收到知道此事，最初笑笑口说：“我好敬老，尊重前辈，话晒佢搵我拍过戏，原来佢话我啲戏咁屎，我仲以为自己演得好好。我好似拍过2、3套，唔记得喇，因为我败走温哥华，不过係人都知我係移民，唔係败走。”
她再三强调係评论其剧集，而不是评论王晶个人： “我哋不嬲都好理智，係讲紧件事，而唔係佢套戏，其实佢有冇听架？我不知几尊重佢，对于香港电影咁有贡献，拍过无数电影，喜欢唔喜欢都係有做过，锺唔锺意睇就见仁见智啦！”
强调係针对剧情
李婉华认为王晶并不理性：“我哋係对事，佢係对人，唔好嬲，锡番先。”接着与林子麦异口同声地称没有评论过监制、导演甚至TVB：“只係纯粹讲套戏，针对播放时间，因为嗰个係合家欢时间，呢套剧唔係好适合喺呢个时段出现。”
李婉华表示看到“卖处 ”剧情，就觉得要发表意见作出批评：“我唔係集集睇，只係咁啱睇到嗰个剧情，觉得好有问题，对社会有啲伤风化。你觉得有娱乐性咩？係低级趣味，而家摆喺电视台， 係冇人有得选择，最多咪熄机，其实係影响埋间电视台。我冇针对过边个，我又唔知边个写，唔知边监制，唔知晶哥喺呢套戏嘅角色係啲乜嘢，只係睇到剧情，我作为家长，喺大气电波睇到剩係一个‘卖处’讲咗10几分钟，不停无限loop，我只係讲呢样嘢，点解唔可以讲？我只係针对呢个所谓嘅剧情，係唔应该摆喺电视台。”
个女唔明咩叫‘卖处’呀？
李婉华又说：“我个女睇完电视就用半咸半淡中文问‘妈咪，咩叫‘卖处’呀？点解阿妈要喊住卖处呀？”点样讲呀？解释完畀佢听都唔明，呢段戏真係好有问题。”林子博亦反问本身在内地有拍剧的王晶，这桥段在内地有是否可以上映？
李婉华深表认同：“而家我哋国家对社会责任睇得好紧，好以严打失德演员，我觉得做人要对得住自己，本来我都唔係针对佢（王晶），但係而家佢咁样闹人，真係唔得喎，自己冇control。我哋完全冇谂过要人身攻击佢，我对佢今次嘅反应好失望，好失望，真係非常之失望，痛心疾首，完全好难接受。”
