明报OL：泰臣效力TVB10年宣布离巢︰踏入6月我再次起步
演舞台剧出身的泰臣（翟凯泰）效力无线（TVB）10年，今天（8日）凌晨在社交平台宣布离巢。
他说︰“踏入6月我再次起步啦，用3分钟嚟回顾晒自己TVB 10年嘅点滴谈可容易呢？无可能够啦。呢几日扫手机，一路摷番每一个制作嘅相，一路load番同每个相中人一齐经历过嘅回忆… 热到癫嘅外景、冻到僵嘅厂、亢奋回魂嘅万岁、廿人衝去转妆嘅live骚、等到怀疑人生嘅大雨、要怀疑埋下一世嘅大over、集体眼瞓到唔知噏乜嘅台词、好鬼认真嘅对戏、笑冧全组人嘅NG、飘飘然嘅大庆典、难得嘅碰杯…… 仿彿一转眼嘅事。10个年头，自问成熟咗，道理领略多咗，人与人关係深交咗，认识我嘅观众层阔咗，我相信我所得到嘅必定良多。点估到自细睇《430》、《新扎师兄》、《季节》、《大时代》长大嘅（我指我老窦），会见到个仔上台庆呢？呢个舞台界过界去电视嘅新人，有俾阿姐讚过算叫做威过吓。缘份下，得到好多机会、得到前辈提点引路、又有梳化服摄crew兄弟姊妹射住、更有戏裡戏外嘅拍档同行、监制导演编审首领们奖门人嘅知遇之恩，超级感谢，唔识讲认真嘢，所以，超级感谢。庆幸冇唔见过手机兼有俾钱养住个cloud，开心搵到呢批相，留住大家一齐笑嘅样，笑声有包埋，喺我记忆度。My friends, see you﹗”
