香港剧情电影《我也是》今日（12日）举行开镜仪式，主演林耀声、颜卓灵、李璨琛、余洁滢、吴肇轩、杜以辰等一众主演出席。电影《我也是》改编自“AV色魔”的真人真事，讲述疑犯因为被判终身监禁而上诉，案件于是展开连串调查，并由颜卓灵饰演的心理医生对林耀声饰演的犯人进行心理评估。
颜卓灵于电影中饰演一位心理医生，年纪与自己相若，她坦言要为角色落足心机做资料搜集：“喺现实生活中，我哋去做资料搜集嘅时候，同好多心理学家倾过，原来好多时候接呢啲法庭案件嘅，都係好有经验，至少二十年以上，因为案件比较複杂、压力都好大。但係（角色）我作为一个初出茅芦嘅心理学家，竟然会去接呢啲案件，呢个女仔十分唔简单！”
而林耀声则在《我也是》裡饰演强姦犯，他分享角色时表示：“我饰演一个香港曾经好轰动、横跨10年嘅一个强姦案，喺裡面饰演一个有人格障碍同强迫症嘅强姦犯，上网都睇咗好多呢单案嘅资料、呢个人嘅资料。”
阿声在电影中的角色并不讨好，但他自言有压力：“压力固然有！毕竟第一次演反派，我本身演开一啲比较正面啲（的角色），呢个係好好嘅机会畀自己试下作为演员嘅范围有几阔。”而强姦犯的角色有缺陷，阿声表示要循内心方向处理：“阴暗面每个人都有，作为演员都要去挖自己嘅嘢出嚟。”
与林耀声在电影中上演强姦戏份的对手，则由首次参演电影的余洁滢饰演，她分享角色时表示：“我今次饰演一位20岁嘅大学生，亦都喺20岁嗰年遇到强姦案，造成一啲情绪、心理阴影，其实都係一个几大挑战嘅角色。”
她表示角色难以凭相关经历进行借镜，于是便依靠导演的讲解进行准备：“我好惊会好难代入嗰个角色，加上拍摄嘅程序未必顺住去，未必拍摄咗我被强姦嘅画面，先拍后面嘅情绪，有时调返转我就惊我会拿捏唔到，所以真係要好好想像一下受害人係受咗几大嘅伤害。”
至于被强姦的戏份，余洁滢透露监制与导演早已提前与她进行准备：“佢哋已经同我讲咗会点拍，个镜头会点攞啦、有咩安全嘅措施会做。同埋唔会有过份嘅裸露，亦都同阿声唔会好有亲热嘅镜头，因为佢犯案嘅时候会戴住头套，所以唔会接触到我、唔会锡到我。”亦表示信任阿声是个专业的演员，能够放心、放得开去演出。
