星岛：陈卓贤因病30岁生日瞓住过 自嘲年纪大身体差持久力弱咗
刚30岁生日的陈卓贤（Ian）今日到尖沙咀出席品牌新店开幕，过百名“Hellosss”（粉丝暱称）带同横额到场支持。Ian早前在社交网自爆病倒，不过今日现身状态不错，Ian透露因上呼吸感染而患上咽喉炎，今日已好了很多，更笑言昨天跟自己说话时完全认不出自己把声，医生亦叮嘱他要多休息，所以近几天也在睡觉，而本月9日生日的Ian因病什麽也没做：“生日瞓喺张牀，活动都出席唔到，隻狗最开心，因为我病嘅时候可以陪住佢。”
问最近经常生病的Ian会否叫公司减少工作量？他直认近半年真的病多了，可能年纪大、身体状况不如从前，并指有机会是拍《冰上火花》时经常忽冷忽热而积累下来：“我有信心之后唔病，由细到大都好少病，因为我以前係运动员，今次都几严重，仲发烧。（烧到几度？）唔知，因为我屋企冇关于数字嘅嘢，例如磅、温度计，睇时间都係睇电话，今次真係还咗个好大嘅健康债。”
Ian表示会补祝生日，加上妈妈生日及父亲节，所以会一起庆祝，虽然已准备好礼物给父母，但因妈妈会追他的新闻，故不方便透露：“节日上仪式感都好重要，讲咗就冇惊喜。（折现？）成日都会，折现之外再加多份礼物，不过做仔都係偏心妈咪，我经常送礼物畀佢，所以好难谂，爸爸就少买（礼物），所以容易啲。（送个女友畀妈咪？）佢冇要求，等佢出声再谂，不过相信佢都想我目前以工作为重，亦经常提醒我休息同饮食，相信妈咪最担心就係我嘅身体。”
另外，Ian今年两首派台作品《再见宁静海》及《抱抱无尾熊》均成为叱吒冠军歌，Ian直言觉得开心，亦多谢大家喜欢，而他透露生病时也有写歌：“唔同嘅係以往会边弹边唱，今次只能弹，仲发现自己持久力差咗。”问到Ian哪方面持久力，他随即大笑，并尴尬说：“写歌！以前可以弹几个钟唔停，而家就10几20分钟就要休息。”
