隐门｜叶啸天黐线？ 33年前Cult片《天若有情》吴岱融被强姦更癫
TVB剧集《隐门》中，吴岱融饰演的贼王叶啸天极度黐线，网民都大为激讚。讨论剧情之馀，网民还翻找出他的旧作《天若有情》，直言剧中的“华港生”比起“叶啸天”更黐线更好睇！不过此《天若有情》并非彼《天若有情》，而是1990年拍摄，堪称TVB史上最Cult剧集，由黄秋生、吴岱融、郑伊健等人出演的TVB剧集。
11号《隐门》剧集宣传活动中，记者向吴岱融提起《天若有情》，他就即时反问记者：“你都有睇？”可见他对这套剧集有多难忘。剧中讲吴岱融饰演华港生是警察卧底，不过自细失去母亲的他心理不平衡，当中更出现了乱伦，与母亲上床，被同性恋的郑伊健迷姦等情节，剧情走黑暗风之馀，角色极为阴暗。
吴岱融接受《香港01》访问时说：“睇返少少我都会好sad，因为呢个係一套卧底故事，但係佢係一个好悲惨故事。呢套戏係我一生演咁多剧集入面，我都未试过拍戏自己出唔返嚟。我拍咁多戏，係唯一一套拍完出唔返嚟，个人暴躁咗。”
他续说，因为角色故事有太多悲惨遭遇。他说：“嗰时我自己都唔知，係监制同几个比较有经验演员同我讲话：‘你睇住呀！可以有少少走唔返出嚟（抽离唔到）。’初头我都唔知，而家回想返，个人变得好暴躁，好容易同人嘈交，但係当时唔知个角色影响咗我。举个例，刘德华係一个成功卧底，但係华港生係一个失败卧底。”
吴岱融一直都强调，“华港生”的身世十分惨，因为他除了是一个失败的卧底，也曾差些与亲生母亲上床。他说：“故事讲佢自细冇咗妈妈，之后仲差啲上咗床。又例如伊健係同母异父细佬，佢係同性恋，係伪钞集团首脑，我查紧佢。有一次自己俾佢灌晕，跟住仲俾佢…嗰啲。当时嚟讲有呢啲题材都几…（超前），大家有兴趣可以搵返出嚟睇。”
要演失败卧底，差些与母亲上床，被强姦的华港生，为什麽吴岱融肯做？他直言因为“演员是被动”的，当时编剧导演、监制都觉得他适合。如果再拍2023年《天若有情》？他明言：“畀多次我拣我乜嘢戏都会拍，因为我係一个演员，呢个係我工作，所以我哋係被动，唔係我有得拣。”如果拣做当时郑伊健的角色？他说：“我都好似未试过做同性恋，嚟呀！试吓！”
