星岛：黄鸭丨杨茜尧罗子溢做廿四孝父母带仔女打卡 热到爆灯3岁囡囡晒到面红
由荷兰艺术家Florentijn Hofman创作的巨型黄鸭事隔十年再临香港，今次更打孖上展出两隻巨型黄鸭，不少市民踊跃到海傍睇鸭。日前余香凝带爱女去睇黄鸭，竟然意外见证黄鸭洩气一刻。杨茜尧（前名杨怡）与老公罗子溢（前名罗仲谦）亦在百忙中抽空带一对仔女去打卡，认真廿四孝父母，不过因为天气太热，令杨茜尧大呻：“爸爸妈妈唔易做”。
最近天气炎热，不过都无阻杨茜尧与罗子溢带一对子女到海傍睇鸭打卡，今日杨茜尧在IG贴出一家四口打卡相，见罗子溢负责抱住三岁囡囡“小珍珠”，而杨茜尧则抱住两岁细仔Eden，虽然个个都戴上帽子及太阳眼镜，做足防晒措施，不过小珍珠已经晒到面红红。杨茜尧留言说：“虽然超级热，但珍珠妹话要去睇大鸭鸭🐥爸爸妈妈唔易做🤭 #鸭仔都热到溶咗# #两隻鸭仔得返一隻# ”
同为妈妈的陈敏之留言表示：“值得嘅” ，而杨茜尧亦表示认同回覆：“係”。已经荣升婆婆的余安安也谓：“我寻日都为咗个孙同女去咗打咭！热到一个点😂”其他网民则笑称现在已经变回两隻黄鸭，杨茜尧可以再带囡囡去打卡：“今日两隻鸭齐脚啦！可能珍珠妹话要去睇两隻大黄鸭😂”、“而家好似两隻喺晒度喇！小珍珠会唔会又想去睇多次？”
