明报：造星V｜Win Win男友KC获姜涛99号加持 大热王锋渴望被认同︰输赢係其次
ViuTV选秀节目《全民造星V》昨晚（12日）已播出40强，当中大热门KC（黄家灏）﹑王锋﹑Nathan（魏念恩）和Jason（雷濠权）等成功晋级。
KC被王锋及Jason形容为大热中的大热，热到中暑，KC笑说：“冻嘅，冻嘅！信心只係中庸，对自己能力有认知，十分理性，唔会睇小其他对手，大家都有机会赢冠军，未自信到会觉得赢硬，反而觉得自己应该冇乜机会。”
被捧为当年同是99号的姜涛接班人，KC会客观面对：“可能大家觉得‘姜涛接班人’气势好强，但我比较偏向自立门户，感谢祝福，会照做自己，係咪同呢个称号重量成正比呢？就要留待大家去睇。”
KC自嘲参赛初期不停被叫“Win Win（杨安妮）男朋友”，像这个才是他的真名，但一点都不介意，只觉很搞笑，十分感谢女友Win Win支持，他说：“其实我冇乜所谓，知道有我这个人就够，当然知道我个名就更好。”
身为排舞师的他，表示除了跳舞，也喜欢唱歌和演戏，期待有机会和女友合作拍戏。与Win Win拍拖5年，可担心由幕后跳到幕前，会影响感情？KC信心十足说：“唔担心，会发生乜嘢事预计唔到，拍拖时有啲问题，大家有办法解决，有心交流，有信心可以解决最紧要，以前自己好要面，𠵱家识得互相畀面，放低身段都唔係好难，已经係成熟大人。”
多才多艺的王锋不止舞技精湛，在唱歌比赛获奖无数，参赛以来一直表现出色，不但在节目主题曲《前传》MV获安排企中间，第一轮比赛凭Locking（锁舞）表演获激讚，同样成为大热之一，王锋说：“我冇好认真睇大热呢个形容词，如果认真睇呢个称呼，会有好大压力。觉得可能係对我认可或畀机会我，所以先咁啱被安排企中间，只係好彩，命运安排，係感恩同好珍惜，我认为输赢与否属其次，但一定希望得到别人的认同。”
王锋称虽然在中学及大学参加歌唱比赛均获奖，但不敢讲自己唱歌好劲，他说：“今次最大压力係发觉身边好多人好犀利，尤其见到乐乐（罗乐）、Carson（李嘉俊），真係要跪喺度，我仍有好很多地方需要学习。”
来自澳门的Jason被其他参赛者冠以“宝姐之选”，他笑言：“梗係有优势啦，好多谢宝姐（编审萧宝年），佢好关照我哋，都爱大家嘅。”本身是Band友的Jason说：“自知实力比其他人冇咁高，亦冇自信，畀人讚都怀疑过自己係咪真係咁劲？之后比赛路程，令到我自信心增加唔少，我係冇咁（大）热，比较冻少少，不过信心肯定要有。”
