隐门｜汤洛雯被批演女警好遴迍 马国明：啲人闹佢遴迍就係成功
马国明、王敏奕（Venus）早前完成重头剧《新闻女王》拍摄，现身《2023 TVB年中节目巡礼》，马明指《新闻女王》煞科后，暂时可休息一下，能著手筹备与汤洛雯（靓汤）的婚礼，有影婚纱相以及出埠去外地结婚，但问到去何地结婚、会否在香港补办婚礼等，马明通通以“你要问佢（靓汤）喇。”来回应。
早前有网民批评靓汤在《隐门》的演技差，做女警又笨拙，更人身攻击她的身型，但马明就力撑对方：“佢哋话佢见嗰个警察好遴迍（音：论尽），但佢嘅角色係咁㗎喎，所以我都唔係好明。（会唔会指教下佢演技？）唔使指教，我都同佢讲，佢嘅角色係遴迍，你唔遴迍，又点突显到展鹏好有型？有时你个角色係要有对比、衬托隔篱嗰个，其实佢都係做返角色要嘅嘢，所以我都叫佢唔使太理嗰啲评论。”
问到马明觉得靓汤演技如何，他觉得OK，是正常发挥，当然说不上好精彩，因为她的演戏经验始终较自己和其他前辈浅，但马明觉得她已做到角色需要，亦不怕靓汤不开心，“佢角色就係遴迍同蠢蠢哋，啲人就係闹佢遴迍，咁佢係成功！（都有人係批评佢演技。）啲人唔锺意个角色咪会咁讲囉，其实好简单，大家唔需要太複杂化。观众嘅评价係，佢锺意呢个角色就觉得你做得好，如果个角色唔讨好，佢就会觉得你唔好，好简单，唔需要深究。”
Venus除了这套剧，亦会担正讲述精神病人的《旁观者》，她的角色是“高敏症状”患者，见预告片都颇为血腥、恐怖，她就说剧集主要讲人性，“剧裡面每一个人都有唔同嘅精神问题，喺社会受到一啲压迫，旁观者嘅意思就係我哋点样去做选择，见到人有事，我哋会伸出援手定係冷眼旁观？”
此外，Venus两、三年前签约星梦娱乐，时任行政总裁何哲图曾答应为她出歌，不过后来她却剧接剧，一直冇录过歌，据知她稍后将有机会唱剧集插曲，她透露确实有安排，而自己本身亦有学唱歌，并谓：“签咗（星梦）就係希望可以出歌，但係有时做Artist真係好被动，有好嘅角色就会去演戏，不论电视剧又好、电影又好，总之我有啱嘅角色就会演，有好嘅歌就会唱。”
