明报：隐门｜心月黑化自揭杀人过程 黄智雯︰我歎紧呢个角色
TVB剧集《隐门》昨晚（21日）一集讲述心月（黄智雯饰）因受不住“衰老公”Mike（黄子恆饰）幻影纠缠企图跳海，并向好友子乔（陈展鹏饰）还原“杀死”阿Mike经过。原来Mike于捐肝给女儿前一晚缩沙，并责怪心月生唔到仔令甄家绝后。心月一怒之下动杀机，将会导致Mike严重敏感的番红花加入麵包内。
她之后为妨碍子乔与Madam Yeung（汤洛雯饰）发展，又在Madam Yeung面前刻意提起子乔前度，其间一抹奸笑尽显机心，被讚眼神有戏。据知今晚（22日）一集，心月将为了拆散子乔与Madam Yeung，借用邻居身上气味勾引子乔，更诬陷Mike曾强姦自己搏取子乔同情。全程柔弱落泪的心月，最后露出一个得逞眼神。
对于心月黑化，黄智雯指过程既痛苦又歎︰“我睇剧本见到心月后面同之前咁大反差，都觉得原来女人要报复起上嚟都几恐怖。呢个角色同我以往好唔同，佢好玩在係一直呃住观众佢係善良嘅，但去到后段原来有咁终极嘅反击，所以我係歎紧个角色。作为演员，好梦寐以求做咁激烈嘅角色。”
谈到剧中有不少落水戏，她透露︰“最记得救老公嗰场落水戏係冬天拍，当时我要著潜水衣保暖。嗰场戏讲我游水好叻，但我本身唔识游水，唯有即时问武指正确游水姿势，好彩啲人睇唔出我唔识游水。”
TVB官网昨天发放《隐门》花絮，内容围绕麻将馆打斗戏。不用参与打斗的刘佩玥表现轻鬆，等埋位时搞笑地拉住赵乐贤叫“老细”。打斗重任落在阮浩棕身上，躲在一旁看剧中男友努力练习及试位的刘佩玥突然大叫︰“之前打太多，依家冇得打好身痕！”
阮浩棕笑言最难忘是“意料之外的茶几”︰“去到现场见到武指准备咗用飞机木造嘅茶几，我仲觉得唔关自己事，以为係岱融哥用嚟救我，到排戏时先发现原来係用嚟打我，我当堂个心凉咗一半。拍嗰阵，张茶几打中咗冇保护衣嘅地方，所以我喺花絮入面面容扭曲！”
