香港01：黄翠如现身湾仔书展宣传新书 爆洪永城应承买但唔见影：佢仲未买
艺人黄翠如昨日（24/7）现身湾仔书展出席其新书《在地上遇上天使》讲座。翠如受访时时表示：“呢本书係我第3本嘅书，而对上一次我出书已经係10年前嘅事，咁所以我係冇谂过会出第三本书。咁其实我对文字係有一种着迷，因为我自小就好锺意旅游作家三毛，係佢令到我知道旅游係要用文字去记录低。咁所以到我终于出到一本游记，去记录好多人嘅故事，咁我就觉得係成就解锁。”
被问到老公萧正楠有否看过这本新书？翠如表示：“其实係我整理嘅时候，我都有睇，佢仲会喺屋企度朗读我以前一啲旅游日记嘅经历，佢仲话我以前真係好大胆，而我又会好自豪自己有呢样战绩。（洪永城有冇买书支持？）佢话自己会买5本嘅，佢话咗买，但就仲未买。（咁少，叫佢买多啲送俾人！）我相信佢……哎，你都係问佢，我唔想帮佢兜。哈哈。不过佢话买5本都已经好好，始终佢而家都凑B，咁所以都希望佢可买书俾囡囡睇，哈哈！”
