港姐2023｜大热佳丽庄子璇被指摆款成犯众憎：佢哋锺意点讲就点讲
《2023香港小姐竞选》大热候选佳丽庄子璇入围后先拔头筹夺得“一见锺意佳丽”奖项 加上在越南拍摄外景时再下一城，赢得“越南越爱香港小姐”奖项成风头趸。有指她有恃无恐，爱黐幕后攞着数，又在其他佳丽面前摆架子，引起众佳丽不满，遭群起杯葛！
大热佳丽庄子璇（Hilary)接受《香港01》访问时表示：“今朝见到呢个新闻我係有啲惊讶，唔知点解点解会咁写，同埋话係有人爆料，我係有啲失望。同埋由参赛至今，无论对所有佳丽同工作人员我都係一视同仁。（话你摆款！）点为之摆款？（你觉得係咪有心人蓄意抹黑攻击你？）如果係想攻击我嘅形象，我好相信大家係会见到真实嘅我，心情难免会受到影响，但我要尽快调整呢个心情，唔好俾啲负面嘅新闻令到自己唔开心咁耐。”
此外，Hilary承认未必与每一位佳丽都同样亲密：“始终我都有16位佳丽咁多，无理由16个都会约出街，变咗係会有一啲比较啱倾同埋好感情啲。但无论点都好，唔熟嘅，我都会正常社交。（会否改善同其他佳丽相处嘅态度？）我唔会因为人哋讲嘅嘢，而特登去巴结同讨好人，人哋锺意点睇就点睇，因为个嘴係生喺人哋身上，佢哋锺意点讲就点讲，我都冇办法控制。”
