星岛：何雁诗曾处产后抑鬱边缘：老公落街跑步都喊
肉赤郑俊弘被嘲讽“6亿䮛马”
何雁诗(Step)最近签约老友张子丰主理的制作公司MOVING PICTURES，成为公司首位女歌手。头炮新歌《the right kind》由她创作兼监制，藉此表达以名利和金钱来断定一个人嘅成就相当唔应该。
入行14年，一直唔使愁生活又做咗妈妈的Step，对娱乐圈争名夺利好有感受：“今年係‘一姐’、‘一哥’下年又未必係，冇乜意思！”另外，对于老公郑俊弘（Fred）被嘲讽“6亿䮛马”直言好肉赤，更自爆曾处产后抑鬱边缘，相当危险。
採访：方骞平 摄影：邓国良 髮型：Green Cheung @ Admix Hairstyling 服装：SUNCOO
何雁诗的新歌是陀B时创作，从而唱出个人心声。Step由2009年参加第一届《超级巨星》出道，14年间经历人生高低唔同阶段，由细公司musicNEXT(老闆係张子丰爸爸张国林)跳到大唱片公司星梦娱乐，2000年自资做独立歌手，兜咗个圈，𠵱家跟张子丰合作，对加盟新公司有新的目标。
被力捧时有心雄
30岁的Step直言现阶段唔再追求做“最佳女主角”及“女歌手”金奖，反而想得到共鸣，做想做嘅事，同屋企人一齐感受生命：“以前喺大公司时连续有几首NO.1歌，势头咁好都心雄过；亦都试过做乜都俾人闹爆(感情问题)，经历几个阶段感受到争名夺利原来唔适合我，亦冇奢求过，所有争‘一姐’(同期战友吴若希、菊梓乔)都唔关我事，我从来只係局外人，斋睇唔会参与，所以确定要搵一个适合自己模式嘅公司去运作。”
她以旁人角度睇争‘一姐’、‘一哥’认为冇乜意思：“今年係‘一姐’下年又未必係，咁争嚟仲乜？只会自己辛苦，真係唔係好啱我，我嘅快乐建基于做音乐嘅过程，可以主宰到有更多参与度、团队适唔适合自己、今年写几多首歌等，其他事控制唔到。”
被老公父爱感动
作为人妻及人母，但Step绝非以家庭为重，她表示产后受荷尔蒙影响，头半年注意力会集中囝囝Asher，儿子经已14个月大，想分配好啲时间：“其实我完全留喺屋企，对自己及小朋友未必係最好选择，因为我好容易过份紧张，就如BB今日冇便便就会好焦虑，如果放手畀老公及家人凑，自己做音乐嘢，做妈咪心态会平衡啲。”
儘管Fred恨追B恨到出口，但也会撑老婆做音乐：“讲真如果我焦虑、担心及唔开心，喺度咿咿哦哦，最后烦住嗰个咪又係佢！佢见证住我写歌时嘅欢乐，点都会全力支持。”暂时Step要高度设防严禁发生“意外”：“见爸爸咁锡小朋友，作为妈妈会俾佢感动到，成个人都溶晒，𠵱家关係变得更好。”
Fred懒理被嘲笑
两公婆由拍拖初期到婚后共渡好多难关，Step自爆最难过日子，是小朋友刚出世头3个月：“以往为老公付出多啲，会煮早餐佢食、车佢开工，但产后唔识得平衡照顾时间，加上受荷尔蒙影响变得躁底，头两周变得好迷失处于产后抑鬱边缘，就连就算有陪月，Fred行开一阵落街跑步，我都会担心被离弃狂喊，佢会默默听我哭诉，原来作为产妇需要身边人陪伴，经此一役明白到要冷静理解自己所需，清楚沟通就能解决好多问题。”
对于Fred被嘲讽改花名“6亿䮛马”，Step坦言作为老婆当然唔锺意老公俾人话：“我哋入咗行一段时间，我会理解其他人嘅意见，但我都有我嘅意见，控制唔到就算，佢反而唔多在意。”
