黎诺懿携妻儿出活动 不介意被抢镜 笑大仔峰峰性格PR
黎诺懿与太太李洁莹及大仔黎峰睿（峰峰），日前联同谭玉瑛出席医疗集团活动。峰峰无惧大场面开心满场飞，黎诺懿不介意被儿子抢镜，只希望带他认识何谓“慈善”，拥有助人为本的心。黎诺懿以健康代言人身分，与医疗集团主席陈健平太平绅士一同递交港币200万元支票予九龙乐善堂代表，作为捐出100名白内障手术名额的用途。
谈到大会以慈善方式捐出7位数手术费，黎诺懿说︰“读万卷书不如行万里路，我会继续身体力行向峰峰灌输做慈善工作、助人嘅理念。佢经常听爸爸讲做慈善，但唔会明，一定要一齐出嚟做，先知道呢个世界原来好多人需要帮助，令佢慢慢习惯去照顾人。最近放暑假，佢都成日跟住我做唔同嘅慈善工作，最近就带咗一班小朋友到乐园玩。”
对于峰峰在活动上抢风头，黎诺懿笑指儿子性格十分“PR”，他说：“佢抢风头，分担咗啲影相时间，我仲舒服咗。见到佢好享受被一班姐姐围住影相，发自内心咁笑，我觉得小朋友係要多啲接触唔同嘅人，成长先会快，同埋识得与人沟通。”黎诺懿不介意儿子将来在娱乐圈发展：“我唔会介意佢喺呢行发展，最重要佢开心，但首要係读多啲书先，识多啲唔同语言，因为我好后悔冇读好书，普通话同英文都唔叻。”
向来注重健康的谭玉瑛生活规律，更年年验身。谈到工作与健康生活，她直言必以健康生活行先：“我好少日夜颠倒生活，一开始选择做儿童节目，就係欣赏日光白白嘅工作，唔需要做到半夜三更。我个人好执着，小时候听老师话要早睡早起，我就入咗脑，坚持住，9点就要瞓觉。”
