明周：Gin Lee自爆係煲剧精 睇电视争输俾阿妈
李幸倪（Gin Lee）日前拍摄电视机广告，她自爆原来这是她入行以来首个电器广告。为了隆重其事，她特别请来排舞师到现场，“今次係我第一次拍电器嘅广告，都係好重要嘅，所以会想做好佢。今次因为需要拍一啲跳舞嘅动作，所以我搵咗个排舞师去帮我排咗一啲动作，想出嚟嘅效果好啲，最紧要係拍得型！希望大家睇到嘅时候有惊喜。”
提到对电视要求，Gin坦言要内外兼备，又表示自己经历过不同年代的电视机款，从“古董大牛龟”到愈出愈薄，至现在的smart tv，“又上到网、又可以喺电话play，而家方便好多。”
Gin更自爆自己是煲剧精，一煲剧可以睇足几日几夜，更大爆妈咪是电视精，一日可以看足十多个小时，“我妈咪好锺意睇电视！一日要睇十几个钟，以前屋企得一部电视，就要争，但係又唔够佢争，咁我哋就冇得睇，哈哈。所以而家屋企一定要有几部电视，最好每一间房都有，咁个个都可以睇到电视，如果唔係冇机会睇，哈哈。”
