明报：陈豪冇留意港姐是非 认做司仪有待磨练：睇番都有唔舒服
陈豪、胡定欣、张曦雯、郭柏妍、萧正楠、何广沛、朱智贤，今天（29日）到荃湾宣传剧集《破毒强人》，受到天雨影响，原定安排的游戏被迫临时取消。
陈豪笑言太太陈茵媺（Aimee）没有追看剧集，但有收看他担任港姐决赛司仪：“她说我表现差少少！”对于网民指4位司仪没有跟港姐交流，陈豪说：“我连自己都未搞掂，但求过关，唔好读错字，睇番自己表现都有少少唔舒服，但第一次算OK，做司仪要磨练，日后多啲训练，相信会做出色司仪，我叫Moses Chan，本身係MC。”
提到今届港姐骚是非多，有网民不满赛果，陈豪说：“我真係冇留意，唔知道边个係大热，只知道15号佳丽（庄子璇）攞冠军，个名唔讲啦，费事自己又讲错。赢输实会令人有少少唔开心，每次总有人赢、有人输，所以我教小朋友要接受失败，重要过接受成功，点样重拾自己去重新出发，係一个智慧。”
