蔡思贝无惧产量低陆续开剧 祝福何广沛拍拖：恭喜佢可以公开恋情 | 香港01
视后蔡思贝今日（6日）现身出席新剧《你好，我的大夫》宣传活动。担任新剧女主角的蔡思贝在接受《香港01》访问时分享：“今次饰演中医师，角色几得意。过往通常我都係跟住资深嘅前辈去做事，但係今次我反而做返前辈嘅角色，咁我觉得有趣嘅，原来我下面有一班青年人，突然之间觉得自己成熟稳定起嚟！”
她续指有为新剧做足功课，熟记对白同掌握好针灸方面的知识。
被问到私底下会否经常看中医时，她说：“我自己都有睇中医嘅，所以比较有熟悉感。我哋做得呢行成日都要去调理，有病要睇中医！”至于提及有没有考虑参加下届马拉松跑全马时，她则回应：“我想成绩好，今年未必可能有时间，因为我都有工作喺身，冇时间去练。如果真係挑战全马，咁就真係会畀多啲时间！”
有网民发现蔡思贝今年出剧的产量只有一套，她就表示：“嚟紧陆续都拍紧剧，所以都唔使咁担心。”至于有否担心今年未能争夺视后宝座，她坦言：“冇咁样谂呀！呢套剧冇咁有戏剧性，冇话又要打，又或者搞笑，反而呢套剧係热血，应该会感动到观众嘅心。希望大家可以喜欢呢套剧，多个希望可以抢奖项。”
而新剧男主角何广沛就因出埠登台，未能参加这次宣传活动，蔡思贝就说：“今日第一次宣传佢嚟唔到，嚟紧11号首播，其实我都飞咗，不过应该落机就会赶去活动现场同观众一齐参与看呢一套剧，就未必可以同记者做到访问。”
讲到何广沛最近公开承认新恋情，她表示：“恭喜佢，可以公开佢自己嘅恋情。”被问到有否见过何广沛女友时，她笑言：“佢嘅内情我所有都唔清楚，大家同我讲佢拍拖，所以就恭喜佢，至于其他就乜都唔知啦！”
