张天赋自认冇身材唔敢拍内裤广告 力证新歌MV冇真鍚 :冇嘅 | 香港01
歌手张天赋（MC）除了在歌唱圈深受欢迎之外，其亦是时尚圈的宠儿。今（12日）他就获知名品牌邀请出席开幕活动，现场有不少“赋二代”一早到场支持，场面墟冚。而在接受访问时，他就笑言因身材不够好，所以未有信心接拍内裤广告，又透露目前正为澳门演唱会加紧练习中。
以黑色牛仔look，梳着旁分油头现身的MC相当帅气，在店内参观的时候，其不时展现笑容，又拿着衣服拍照，非常亲切可爱。在接受访问的时候，问到为何不接拍内裤广告，他就笑言：“我觉得买底裤一定要身材好啦！（你冇咩？）我身材唔係好好啦！（开嚟睇吓）开嚟睇吓，我做咗啦。（有冇操肌？）有兴趣玩过一两次好辛苦，所以决定专注音乐上面。（如果操完有肌肉，会唔会接拍内裤广告？）操到梗係会滥用呢个优势，奈何未得。”
而MC近来被指脸部瘦削不少，原来是因为：“因为前排，我觉得係关剥咗四隻智慧齿事，好似真係削咗囉块面。（点解储埋一次过先剥？）其实一路都有呢个问题㗎啦，后尾睇牙医牙医就话打横生喎，长痛不如短痛。（牙医认唔认得你？）牙医认得我㗎，（有冇大力啲？）冇，都温柔嘅。（男定女？）男仔嚟嘅（唔搵许廷铿？）咁啱係相熟嘅，经理人介绍嘅。”又扬言因剥牙关係的确吃少了东西。
另外，提到即将在下月赴澳门开演唱会，现阶段准备如何时，他就表示：“啱啱完成咗一次嘅綵排都记得一啲step，都要继续排。（会有咩惊喜送给澳门粉丝？）我坦白讲自己回顾过一次喺香港嗰几场，我都好满意个rundown，希望可以去到澳门可以keep到一样嘅水准，甚至乎超出水准。（上一次香港场有压力甩漏）直头係非常之紧张，同埋係我第一次喺台上面感受唔到enjoy，希望今次吸收到上次嘅经验，今次可以纯熟啲。”而因为最近有推出新歌关係，所以除了排舞之外，他亦加紧练习新歌。
提到新歌《与我无关》在台湾拍摄，而女主角就找来当地新生代女神詹子萱担任女主角，问到二人有没有互留联繫成为朋友呢？他二话不说：“我哋有follow IG，其他就冇咩特别。（好似有咀戏喎有冇锡到？）冇嘅，但都牵动到一个浪潮，多谢fans们咁紧张我。（惊你蚀底）唔会㗎佢哋讲吓咋。（期待下一个MV有真锡戏？）好睇个故事嘅需要，假设呢个故事係非常之需要嘅话，咁我觉得起无可避免。（搵男仔锡呢？）其实公司提过好多次整个BL嘅MV。（最想锡边个？）其实我可係献出过我嘅萤幕初吻，男仔嚟讲。曾经有一段係我同Jeffrey拍嘅影片有锡过，其实Jeffrey我都锡过，我都冇咩目标啦！”
最后他提到在台湾拍摄MV时吃了很多美食，但就没有时间到处去玩乐，又扬言现阶段未有计划留台湾发展，但希望自己的歌会受更多人喜欢。
