明报：欧洲铁骑游｜袁伟豪张振朗参观千年古堡 迟到激嬲堡主
袁伟豪、张振朗主持的综艺节目《欧洲铁骑游》将於后晚（16日）播出第2集，他们骑着电单车在被喻為全世界最靚的路段风驰电掣，去到全意大利最高的露台打卡，欣赏加尔达湖无敌靚景。张振朗叹︰「苦尽甘来，可以睇咁靚嘅景，真系好值得。」翌日，两人暂时离开大队，前往参观有近千年歷史的古堡，惟出发后不久便遇上阻滞，电单车因之前曾遇上大雨关系而发生问题，要临时换上其他铁骑，最后因迟到而一度激嬲古堡主人。
来到行程中的第5日，袁伟豪、张振朗终於能全日休息，他们趁机慢游意大利小镇，边叹咖啡边回顾昔日的「搏命」岁月。袁伟豪回忆他30岁到38岁时的身体严重透支︰「拍完《铁探》之后，我身体好差，身形似足道友，唔系点解大家会成日觉得我好攰、好残。其实我都唔想，系咪真系值得咁做？如果问多我一次，我都系会咁做。我嗰时攰到，去到栏杆面前发觉自己脚软，好似有把声同自己讲『你唔掂呀，你跳唔过去㗎』。我真系感觉到，晏昼食嘅嗰粒鸡蛋，朝早食嘅粟米片已经用尽，曾经香港先生操番嚟啲肌肉冇晒。」
张振朗重提其中一年台庆表演环节︰「有一年台庆有个环节系讲训练班，我要做一隻马騮，讲我要挞落一张枱度。一Action，我肾上腺素飆升，当时冇戴住腰封就飞起身挞左落去，之后就感觉到好大鑊，最后继续死顶，第二日即刻去睇医生。」
