星岛：卫诗雅搞到唐浩然“动L”担心播唔到
《Food Buddies》超多激情场口仲晒“巨龙”
卫诗雅（Michelle）跟唐浩然（唐记）在ViuTV剧《Food Buddies》首合作。该剧有大量激情场口，两人都曾疑惑究竟播唔播到？Michelle主力跟柯炜林（Will）拍床戏，跟唐记纯情感接触，但女方竟然对后者的“巨龙”好有印象，更笑指，“佢条‘巨龙’衝出咗亚洲”。
採访：杜杜 摄影：Stanley 髮型:SingTam@ArtifyLab(卫诗雅)、Antonio(唐浩然)化妆:Heybee(唐浩然)服饰:Sandro、APM Monaco(卫诗雅)
Michelle完全冇睇过唐记的网片，在围读时才初次见面，然后好戥对方担心，“试咗场闹交戏，我见到佢震，心谂‘死嘞，佢咁惊得唔得㗎’，佢又唔讲嘢，开工时好静，我尝试同佢沟通，发现佢原来不断谂紧，点塑造个角色，佢入面好丰富唔係吉嘅，我喺佢身上都学到嘢，好锺意同佢倾偈。”
放心同柯炜林拍床戏
唐记解释当日的震只是演戏，因角色患有严重社交障碍，“我仲试紧个角色，点样去表达有呢个问题，到埋位先知导演想要呢一种。”最难演是角色行为非常大胆，令唐记好大压力，“我会形容佢係有啲黐线，为咗向Michelle解释误会，喺公园骚自己条‘巨龙’出嚟。”
唐记笑言剧中男角都要有限度露体，如Will要操到好大隻，因为要露上身，而唐记就要露下身。两人拍毕剧集都担心能否播出，因为戏份不少的“巨龙”道具好惊人，唐记补充：“好大，着唔到裤㗎！”Michelle笑说有手臂咁粗，甚至“衝出咗亚洲。”唐记还称曾为Michelle “动L”，“有幕佢掂我，我有生理反应。”Michelle笑他要Close Up大头，唐记心水清，“9点半咋，唔出得街啦！”
Michelle跟唐记只有场蜻蜓点水锡锡戏，但跟柯炜林的床戏就好露骨，“任何嘢都犀利，动作、意识、外形上，程度似拍紧电影。”幸好初次合作的柯炜林相当绅士，令她好放心，“佢会问我由呢度锡到呢度有冇问题，所有嘢都问清楚，同埋佢身形比较壮健，抱起我唔怕跌。”
