苏韵姿愈爆愈多透露未来动向 暂时未能“回家”反而做呢样嘢… | 香港01
《文艺晚会》在昨日（1日）举行，一众明星艺人倾力演出。苏韵姿亦是台上表演嘉宾之一，她接受《香港01》访问时就透露自己将会有新动向。
苏韵姿接受访问时表现兴奋，因为今次是第一次做这麽大型的骚：“红馆始终係巨星级嘅舞台，所以每一次嚟都好兴奋，同埋有啲歌手嘅演唱会我都会嚟睇，坐完观众席依家可以上台係好开心嘅。”
至于被问到刚过的中秋节有没有与“熊家人”一起过时，她就表示：“我哋之前先嗰排喺阿蟹（吕慧仪）生日，成班出咗去食饭，咁就预祝咗中秋嘅。咁因为佢哋要开工，咁岩我呢度又要开工，所以时间暂时未係好夹到。”苏韵姿强调一直都有与他们联络及约会，从未与“熊家人”有间断。
苏韵姿被问到最近的工作时，她则说要等公司安排，但已经知道有新工作：“嚟紧我会做一个音乐剧，咁呢个音乐剧嘅角色都係女主角嚟，所以依家都係彩排中，咁自己都希望我可以努力啲做好啲，因为舞台剧係冇得NG。”
苏韵姿表示之后会告诉大家更多的资料，今次是她首次的中文音乐剧，她说之前在学主修剧剧时已经接触过音乐剧，但当时是用英文，所以今次用中文则较新鲜。
虽然苏韵姿口上说暂时不透露那麽多，但愈爆愈多的她再透露整个音乐剧是2个半小时：“所以某程度上係我最长嘅广东话剧本。”她亦表示会继续学好中文。
