林頴彤无惧上庭前发公开信给特首：我问过法律团队意见 | 香港01
无綫艺员郑隽熹日前因涉虚拟资产交易平台JPEX诈骗案被捕，之后被爆出他涉及另一宗案件，与TVB女演员林颖彤（Bella）一同被控“公众地方行为不检”罪。案件今日（6/10）于粉岭裁判法院开审。庭上控方就案件申请押后等进一步调查，6名被告毋须答辩，准继续保释，法官将案件排至11月17日再讯。
林颖彤在案件开审前一晚，（5/10）于社交平台，发公开信给发特首，今早林颖彤离开法院时，被问到是否因为IG发公开信给特首，令控方就案件重新调查，将案件押后？Bella接受《香港01》访问时表示：“我又唔会特别咁去谂，去猜测佢哋嘅意思，就顺住佢哋嘅事情去处理。（担唔担心会妨碍司法公正？）呢个我係问过自己法律团队嘅意见，同埋经过法律团队嘅同意先出。（TVB有冇搵你倾过件事？）係有嘅，但就冇详细咁去倾，但会同经理人去倾。（警方告你会否觉得好无奈？）我自己喺单亲家庭中长大，我好明白妈妈同个女嘅嗰份情，咁所以我见到一啲唔公意嘅事，我係会想帮嘅人。”
被问到是否同郑隽熹拍拖？Bella表示是好朋友嘅关係。（有指郑隽熹利用你名去诱使他人作投资？）关于另一个咁敏感嘅案情，我就唔评论。（警方有否联络你助查？）暂时係冇警方联络我，亦都冇担心会捲入事件中，同我声名讲嘅一样，清者自清，问心无愧。（你知唔知郑隽熹一直都有搞JPEX？）呢啲交返畀佢自己答。（今日你孭住个名牌手袋出庭，怕唔怕令人联想到同郑隽熹JPEX有关?)唔係咁样，如果啲人要咁去谂同咁评价，我都冇办法。（个袋几多钱？）唔讲呢啲啦，你玩我嘅，哈哈！”
