明报：你好，我的大夫｜网民不捨Ed师兄离世 孔德贤感恩遇上好角色
蔡思贝、何广沛主演的剧集《你好，我的大夫》昨晚（6日）一集，讲述Ed师兄（孔德贤饰）及麦宝（区明妙饰）终成情侣，但好景不常，Ed师兄大肠癌恶化，最终不敌病魔离世。众人得悉Ed师兄时日无多后，心情沉重，但为配合Ed师兄乐天性格，众人以祝捷会为名，希望在开心情况下送别挚友。
众人在祝捷会上强装开心，但当Ed师兄利用肚皮上的疤痕画成哈哈笑人像搞Gag时，众人终忍不住泪崩。清劲（何广沛饰）、远志（吴伟豪饰）及班汉（李绍坚饰）后来在丧礼上以同款“哈哈笑肚皮”送别Ed师兄。“Ed师兄”这个角色十分入屋，不少网民纷纷留言叹不捨。
孔德贤回忆拍摄这几场戏时十分难忘︰“大家都知道係farewell，但唔想提呢个字，知道一讲出口就会好唔开心。拍嗰日咁啱係中医诊所个景最后一日，我哋喺嗰个厂Stay咗成个月，大家都唔捨得个环境，加上好投入大家之间嘅关係，所以拍到一半都未入戏肉已经眼湿湿想喊。我都激动到要匿埋喺针灸室消化咗成个钟，全程强忍住泪水，亦唔畀自己见到佢哋，因为一见到就会好崩溃，一喊出嚟就收唔到声。”
谈到Ed师兄卧病在牀一幕，孔德贤说︰“我问自己如果真係离开呢个世界嘅话，屋企人会点，然后就忍唔住喊咗出嚟。嗰日我真係好感动同伤感，拍戏咁耐未试过用咁真挚嘅情感拍，嗰场戏最终一Take过完成，既开心又难忘。”
说到“Ed师兄”角色入屋，孔德贤表示︰“我做演员有个目标，就係希望做嘅戏可以感动到人。好感恩呢套剧好有发挥，我成套剧亦係本住‘以生命影响生命’呢个核心思想演出。呢个角色同我自己都有啲相似，因为我本身都係好锺意𧨾身边人开心。”
