林钰洧被指赴饭局施冧功凼老细寻求工作机会：寻出面啲人係冇用嘅 | 香港01
被封为新一代“性女”港姐冠军林钰洧日前被爆出现身一个由上市公司执行董事、人称“子辰”的富商，在湾仔一间高级餐厅举行的私人饭局，更指在当晚饭局为寻求机会，不惜施展冧功落力凼老闆。
今日（12/10）林钰洧现身西九文化戏曲中心出席时装骚活动，就事件接受《香港01》访问，林钰洧回答说：“其实呢件事我已经喺IG度回应咗，我唔想再为一啲不实嘅报道回应。（有冇畀公司照肺？）其实新闻一出，我已经主动同公司沟通，佢哋都了解咗个真相同事实，（会唔会出席呢啲饭局要小心啲？）我谂我会少啲再出去食饭，因为我唔想再食肥自己。”
对于有报道指林钰洧为了寻求机会，不惜施冧功凼老细，林钰洧表示：“其实寻求工作机会呢，我就会向我身边嘅经理人寻求嘅，寻出面啲人係冇用嘅。咁所以我都会继续识新朋友嘅，同埋会照正常社交出去，寻求工作机会呢样嘢就唔係。（会唔会觉得係饭局中人放料畀传媒去影你？）你觉得係咪係，你话返畀我知，我谂你知嘅，我都想知道个真相。（有冇人向你问价？）有呀，问Job价囉，咁所以我就会叫佢搵我经理人。（有冇人开价包养？）咁呢样又冇。”
