明报：偕汤洛雯蜜游法国影婚照 马国明亲解未婚妻“黑面”之谜
拍拖3年多的马国明（马明）和汤洛雯（靓汤），铁定年底拉埋天窗，2人日前被野生捕获蜜游巴黎。一对准新人逛名店时，靓汤表现不耐烦兼黑面，马明则天然呆显得不知所措，引来外界热议。
2人原来已外游返港，马明还立即投入新剧拍摄，并接受无綫娱乐新闻台访问，谈到未婚妻被指黑面一事，马明说：“当时我哋买紧嘢，话阿汤黑面，其实佢唔係嬲猪，佢好开心嘅，我哋估唔到喺法国，佢搵到一啲想买嘅嘢，喺香港可能一啲舖头排队都唔会有，喺法国佢排到呀，即刻畀到佢，所以佢好开心，但係我哋喺法国生活呢10日﹑8日，发现原来要适应法国节奏，法国人节奏好慢﹐好elegant﹑好悠閒同relax，好多时都要等，而香港人嘅节奏好快，我哋喺度谂‘点解等咁耐嘅？’（你招牌天然呆？）我哋心谂仲要等几耐？嗰个网民评述佢（靓汤）好嬲啦，但佢好开心，因为佢买到一啲想买嘅嘢，亦帮朋友买到佢朋友想买嘅嘢，其实好开心。”
马明直认法国浪漫之旅是影婚照？他说：“係嘅，都好开心，请咗一班人同我哋影，班人好好，令我哋影得好开心。”马明又大讚靓汤造型超靓：“佢係好靓嘅，同埋今次好好，搵咗啲衫都好靓，佢影咗6﹑7套衫都好靓，佢头痛点拣相，一来佢又弗咗，加上啲衫好衬巴黎环境，𠵱家啲相未睇到，好多嘢要执，睇下几时公开发畀传媒。”
