杨茜尧自爆被仔女折磨恨拍剧 被问老公结扎话题巧妙解答 | 香港01
现年44岁的杨茜尧自从与老公罗子溢结婚，育有1女1子后，已经甚少在香港出席公活动。她今日（18日）现身旺角出席品牌 周年生日派对活动，并在现场落力推广产品兼与头十名消费最高金额的客户签名影相留念。
杨茜尧接受《香港01》访问表示：“Hello大家好，好耐冇见！其实都係忙嘅，忙紧凑两个小朋友，佢哋喺最活跃好动嘅时间，我觉得我嘅人生好似未试过不断俾两个小朋友折磨。”她续指今日出活动都要事先安排准备，才够胆接活动。
被问到比较享受拍剧，还是照顾小朋友，她表示：“拍剧舒服好多，拍剧冇咁大嘅精神压力，小朋友仲细，要望住佢哋走去边，所以精神压力大好多，但拍剧镜头结束就可以瞓觉。”至于有否与家姐杨卓娜谈论凑仔经，她坦言比较少，因为家姐的女儿比较大，反而自己会同有生小朋友的朋友分享比较多。
讲到小孩的升学状况，她表示：“比较多一啲zoom 嘅面试，所以我哋有阵时谂过锁定目标就报呢间，都係读国际学校所以程序会简单啲，会冇咁大压力！”
谈到最近打风不断会否停影响孩子的上课进度，她说：“影响我要陪佢哋，佢哋咁细个主打都係玩同埋活动为主去教学，一打风佢哋就要留喺屋企困兽斗，谂吓做啲乜嘢同埋安排啲乜嘢玩，好头痛！”被问到会否考虑再生小朋友，她直言：“我谂唔会啦挂！点解我会讲唔会啦挂呢！係因为有人问我想唔想再生，如果我知道会生多个女儿的话，我一定会再生多个，如果係生多个仔，我就会头痕！”
讲到老公会否考虑结扎吗，她表示：“扎唔扎咩，我头髮剪到咁短，唔扎啦！（点解锺意生女儿多过儿仔？）其实我两个都锺意，因为我哋係两姊妹，我都希望我个女儿有个妹妹可以陪伴。现在小孩都好叻，佢知道佢係点样出嚟，同埋知道我个肚装咗啲乜嘢，佢成日都同我讲自己喺妈妈个肚度走出嚟，所以想睇吓里面究竟係啲乜嘢！”
提到老公罗子溢有否帮手协助照顾小朋友，她说：“佢啱啱拍完剧，主要都係俾我呼喝，咁佢都好帮手，主打要凑小朋友返学放学，陪佢哋食饭，陪佢哋玩！尤其是凑小朋友需要好多精力！”
至于有否考虑再接拍电视剧，她说：“都有机会嘅，倾紧嘅，细节方面就未可以透露住，希望係不久嘅将来有作品同大家见面。”谈到如何兼顾家庭与事业，她笑说：“如果真係要拍剧，我半年前要计划好，我同老公讲过如果我要拍剧，佢就要多啲时间照顾屋企，咁我哋就可以做交替嘅工作。”
讲到会否考虑夫妻档接内地综艺节目，她表示：“我哋等紧呢个机会。（想拍咩题材为主？）如果拍亲子的话，就要出卖女儿，我惊女儿会抗拒上镜，如果佢係好锺意的话我都会考虑，小朋友现在就世代转变，出得嚟多啲就会有帮助成长，所以都OK嘅！”
被问到女儿可以接触电子产品吗，她表示：“佢有睇过我《家族荣耀》，但佢当时唔係好识睇，佢淨係听到首歌，就会即刻跳舞！咁今日做呢一个活动，有条片录咗俾我，所有佈景板都喺我个样，佢就话係妈妈，就觉得好开心！我问佢妈妈叫咩名，佢就话叫杨怡，我话另一个名呢！佢就话叫杨茜尧，现在佢两个名都记得！”
至于女儿得知母亲的身份是艺人吗？她回答：“佢唔知道个性质係乜嘢，佢淨係知道要化妆，有阵时要载耳环，点解要涂上唇膏啊！佢现在得三岁，唔係好知道点解我哋要装扮。”
