明报：东京电影节｜梁朝伟现身大师班活动 忆迷失时遇到王家卫
影帝梁朝伟今天（26日）出席“东京国际电影节”大师班活动，伟仔型爆现身，并用日文打招呼，全场拍手，伟仔表示自己已有10年没有在东京出席公开活动，对上一次已是宣传电影《一代宗师》，他表示好开心见到大家。
76岁台湾著名导演侯孝贤昨日惊传罹患脑退化症被迫退休，据台湾传媒报道侯孝贤已认不出身边人，病况令他无法继续工作，筹备的新戏《舒兰河上》及《我将前往的远方》无法完成。
伟仔曾拍摄侯导演电影《悲情城市》，伟仔说：“初出道时拍戏冇耐，都想拍唔同电影，跟唔同电影人合作，当年侯导演搵我，係好好经验，所以接拍，我对台湾历史唔係好认识，都睇咗好多有关台湾书籍，侯导演推介好多书畀我睇，嗰啲文学小说，同埋搵咗一个朋友都係聋哑人士，自己都係靠呢一位朋友演呢个角色，自己拍呢部戏，专登都係独处，想感受一下宁静世界….侯导演起初冇乜理我，由我自己发挥，初时演呢部戏都唔知点做，可能导演发现，所以介绍聋哑人士朋友认识。”
之后伟仔讲到合作无间的王家卫，他直认自己幸运：“迷失时遇王家卫，拍《阿飞正传》，张曼玉可能拍2﹑3个take搞掂，自己拍10几20个take都唔掂，最多拍到26个take都NG，感到挫败，係咪自己有乜问题？
王家卫同我讲，希望我放低自己，用个心去演角色，我觉得王家卫係调教演员嘅导演，后来睇到《阿飞正传》完成品，佢係好识调教演员，将演员嘅嘢发挥出嚟。”之后2人继续合作拍戏，关係维持20年，伟仔再说：“有2﹑3年每晚去王家卫公司食饭倾偈，透过呢段时间，将自己带到王家卫世界，我哋曾讨论过《挪威的森林》，已完全感觉到佢想拍嗰个场面。”
有指王家卫经常没有剧本？伟仔则说：“佢有剧本，摆喺自己嗰度，收埋咗，每个演员好清楚要拍啲乜嘢，同埋要完成嘅嘢，全部清晰知道，拍摄嗰日先有剧本，係佢创作方法，唔想演员太有既定方式，想导演喺片场睇到嘅嘢，会有变动，演员一早知道剧本嘅话，会做唔到改动，同佢合作係一个挑战旅程。”
有人问伟仔拍戏时会否难以抽离角色？他说：“开始做演员时会有，长时间演一个角色，会难少少抽离，但过咗一段时间，慢慢做番自己，返回现实，愈投入角色愈花时间抽离。”伟仔透露一直恨跟欧洲导演合作拍戏，明年他会在德国拍电影，花8个月时间筹备角色。拍照时，有观众用广东话大嗌：“好锺意你”﹑“等见你三年又三年。”伟仔闻言也笑逐颜开。
