黄祥兴拒以相同条件再签3年 爆坚决离开TVB真相
现年45岁的黄祥兴今年8月宣布离开效力18年的TVB，他近日接受商台《星光背后》专访时，回忆5年前跟无线转签部头约后外闯，在外面获得不少工作机会，后来拍完电影《叶问外传：张天志》后被游说回巢，加上疫情爆发才再签TVB经理人约。
祥兴说︰“係公司主动叫我返去，感觉被人睇重至会叫我返去。不过，呢3年好平淡，无咩特别嘢发生，加上我第3个仔又出世，个包袱愈来愈重。完约前一个月，公司叫我同样条件签多3年，但听到呢个条件，心谂唔係3年又3年？3年后我48岁，真係老喇，不如趁依家45岁出去博﹗”
祥兴5岁时跟父母移民巴黎，在法国生活了18年。他在潮州家庭成长，是个有传统潮州人思想的怕丑仔，成长期间都是外国女生主动追求。祥兴说︰“法国人浪漫早熟，我10几岁已有性经验，返香港认识到太太前，有过近20段感情。我细个已锺意打扮，加上读嘅中学少亚洲人，啲女仔会透过朋友话锺意我，问可唔可以一齐放学，多数係女仔做主动。”
他自言不爱嘈吵及夜蒲的地方，没机会识女仔，入行后只跟一个圈中人拍过拖，后来在高钧贤介绍下认识了现在的太太Peggy。祥兴说︰“有一次收工，高钧贤叫我去个朋友生日Party，点知去到原来係一间Club，我唔锺意跳舞就坐埋一边。佢（Peggy）又係一个人坐埋一边，我问点解唔跳舞，佢都係话唔锺意跳舞，就对佢加分。我哋再倾偈，发现佢加拿大返嚟又识讲法文，感觉好啱倾。”
祥兴坦言对太太Peggy一见锺情，遂第一次主动追女仔。他说︰“我要求朋友做媒人，打听佢嘅动向同约佢。平时啲女仔会对我有反应，但Peggy好难追，最初会拒绝，咁我唯有更主动。”
两人拍拖近两年，在法国注册结婚。祥兴称与Peggy成熟的思想最合拍，认为对方很适合做母亲，因此很快就生了3个小朋友。他说︰“潮州人锺意热闹家庭，想家庭圆满就计划生两个，细仔Damain係个意外。”
成为自由身艺人后，祥兴称现在比选港男更弗，欢迎各大经理人及电影公司找他合作，自己亦有代理法国红酒及冻肉的生意，不怕面对不稳定挑战。
