罗密欧与祝英台｜周嘉洛抛莎翁金句 网民批无剧情需要︰值得探讨 | 香港01
周嘉洛（4/11）现身观塘出席TVB热播剧集《罗密欧与祝英台》宣传造势活动。对于剧集收视率成绩每况愈下，播出两星期分别得录得20.7和19.2点，最新一周收视率跌穿20点，成绩惨淡。有网民反映是剧集内容和对白“离地”所致，直指周嘉洛经常套用莎士比亚金句，表情生硬又不好笑，对剧集推进毫无帮助。
周嘉洛接受《香港01》访问时表示：“我觉得收视成绩几好，首次播出的收视不用放到咁大，因为而家好多平台都可以睇返，还有一些啲唔计落收视嘅平台都可以睇返，因为我身边有啲朋友就係用紧唔计落收视嘅平台度翻睇紧，咁所以睇返而家嘅标准嚟计，我哋收视係好好。”
至于被网民批评套用莎士比亚金句，表情生硬不好笑。周嘉洛笑言：“我觉得每个人都有自己嘅睇法，确实你问我，我用自己个标准去睇，我都感受唔到。咁所以呢个有待改善。（网民批金句冇推进剧情需要！）呢个係一个深层次嘅问题喎，係值得探讨。不过个人嚟讲，成日都强调一样嘢，罗密欧世世代代演佢嘅人，实在太靓仔，咁係我能力范围内，我係做唔到佢哋嗰种味道出嚟，咁所以我好感恩畀我机会嘅人，其实搵我去演罗密欧都真係几大胆。”
