孙慧雪宣布离巢后劲多job搵上门 原来两年前已萌生去意 | 香港01
孙慧雪早前宣布与无綫结束18年宾主关係，她（6日晚）出席手机发佈会活动时，透露自从宣布回复自由身后，反而多咗人搵佢出job。“都几估唔到，真係新闻出咗之后，嗰两日搵我嘅人係有少少夸张，自己都开心，希望接到晒。”
阿雪透露除了拍片外、亦有不少与补品与她接洽，由于部分工作可以在家中进行，所以并不太影响照顾小朋友。
孙慧雪又指与无綫关係依然友好，最不捨一班台前幕后，特别是欧瑞伟，但因不想错过小朋友成长，所以决定离巢。“好多人都话突然，但都考虑咗两年，我陀嘅时候都有话想倾，但生完真係搞唔掂。”
阿雪认为除了是小朋友外，自己亦想多作其他尝试，而她亦与其他电视台接洽，不过仍未落实，希望尽快有好消息带俾大家。
